ابلیس کی مجلس شوری

یہ عناصِر کا پُرانا کھیل، یہ دُنیائے دُوں

ساکنانِ عرشِ اعظم کی تمنّاؤں کا خوں!arooz could not scan this line

اس کی بربادی پہ آج آمادہ ہے وہ کارساز

جس نے اس کا نام رکھّا تھا جہانِ کاف و نوں

میں نے دِکھلایا فرنگی کو مُلوکیّت کا خوابarooz could not scan this line

مَیں نے توڑا مسجد و دَیر و کلیِسا کا فسوں

مَیں نے ناداروں کو سِکھلایا سبق تقدیر کاarooz could not scan this line

مَیں نے مُنعِم کو دیا سرمایہ داری کا جُنوں

کون کر سکتا ہے اس کی آتشِ سوزاں کو سرد

جس کے ہنگاموں میں ہو اِبلیس کا سوزِ دروںarooz could not scan this line

جس کی شاخیں ہوں ہماری آبیاری سے بلند

کون کر سکتا ہے اُس نخلِ کُہن کو سرنِگُوں!arooz could not scan this line

اس میں کیا شک ہے کہ محکم ہے یہ اِبلیسی نظام

پُختہ تر اس سے ہوئے خُوئے غلامی میں عوام

ہے اَزل سے ان غریبوں کے مقدّر میں سجودarooz could not scan this line

ان کی فطرت کا تقاضا ہے نمازِ بے قیام

آرزو اوّل تو پیدا ہو نہیں سکتی کہیں

ہو کہیں پیدا تو مر جاتی ہے یا رہتی ہے خام

یہ ہماری سعیِ پیہم کی کرامت ہے کہ آج

صوفی و مُلّا مُلوکیّت کے بندے ہیں تمامarooz could not scan this line

طبعِ مشرق کے لیے موزُوں یہی افیون تھی

ورنہ ’قوّالی‘ سے کچھ کم تر نہیں ’علمِ کلام‘!

ہے طواف و حج کا ہنگامہ اگر باقی تو کیا

کُند ہو کر رہ گئی مومن کی تیغِ بے نیام

کس کی نومیدی پہ حجت ہے یہ فرمانِ جدید؟

’ہے جہاد اس دَور میں مردِ مسلماںپر حرام!

خیر ہے سُلطانیِ جمہور کا غوغا کہ شر

تُو جہاں کے تازہ فِتنوں سے نہیں ہے با خبر!

ہُوں، مگر میری جہاں بینی بتاتی ہے مجھے

جو ملوکیّت کا اک پردہ ہو، کیا اُس سے خطر!

ہم نے خود شاہی کو پہنایا ہے جمہُوری لباس

جب ذرا آدم ہُوا ہے خود شناس و خود نگر

کاروبارِ شہریاری کی حقیقت اور ہے

یہ وجودِ مِیر و سُلطاں پر نہیں ہے منحصَر

مجلسِ ملّت ہو یا پرویز کا دربار ہو

ہے وہ سُلطاں، غیر کی کھیتی پہ ہو جس کی نظر

تُو نے کیا دیکھا نہیں مغرب کا جمہُوری نظام

چہرہ روشن، اندرُوں چنگیز سے تاریک تر!

روحِ سُلطانی رہے باقی تو پھر کیا اضطراب

ہے مگر کیا اُس یہُودی کی شرارت کا جواب؟

وہ کلیمِ بے تجلّی، وہ مسیحِ بے صلیب

نیست پیغمبر و لیکن در بغل دارد کتابarooz could not scan this line

کیا بتاؤں کیا ہے کافر کی نگاہِ پردہ سوز

مشرق و مغرب کی قوموں کے لیے روزِ حساب!

اس سے بڑھ کر اور کیا ہوگا طبیعت کا فساد

توڑ دی بندوں نے آقاؤں کے خیموں کی طناب!

توڑ اس کا رومۃُالکُبریٰ کے ایوانوں میں دیکھarooz could not scan this line

آلِ سیزر کو دِکھایا ہم نے پھر سیزر کا خواب

کون بحرِ روم کی موجوں سے ہے لِپٹا ہُواarooz could not scan this line

’گاہ بالد چوں صنوبر، گاہ نالد چوں رباب‘

مَیں تو اُس کی عاقبت بینی کا کچھ قائل نہیں

جس نے افرنگی سیاست کو کِیا یوں بے حجاب

اے ترے سوزِ نفس سے کارِ عالم اُستوار!

تُو نے جب چاہا، کِیا ہر پردگی کو آشکارarooz could not scan this line

آبِ و گِل تیری حرارت سے جہانِ سوز و ساز

ابلہِ جنّت تری تعلیم سے دانائے کار

تجھ سے بڑھ کر فطرتِ آدم کا وہ محرم نہیں

سادہ دل بندوں میں جو مشہور ہے پروردگار

کام تھا جن کا فقط تقدیس و تسبیح و طواف

تیری غیرت سے ابَد تک سرنِگون و شرمسارarooz could not scan this line

گرچہ ہیں تیرے مرید افرنگ کے ساحِر تمام

اب مجھے ان کی فراست پر نہیں ہے اعتبار

وہ یہودی فِتنہ گر، وہ روحِ مزدک کا بُروز

ہر قبا ہونے کو ہے اس کے جُنوں سے تار تار

زاغِ دشتی ہو رہا ہے ہمسرِ شاہین و چرغ

کتنی سُرعت سے بدلتا ہے مزاجِ روزگار

چھا گئی آشُفتہ ہو کر وسعتِ افلاک پر

جس کو نادانی سے ہم سمجھے تھے اک مُشتِ غبار

فِتنۂ فردا کی ہیبت کا یہ عالم ہے کہ آج

کانپتے ہیں کوہسار و مرغزار و جُوئبارarooz could not scan this line

میرے آقا! وہ جہاں زیر و زبر ہونے کو ہے

جس جہاں کا ہے فقط تیری سیادت پر مدار

ہے مرے دستِ تصرّف میں جہانِ رنگ و بو

کیا زمیں، کیا مہر و مہ، کیا آسمانِ تُو بتُو

دیکھ لیں گے اپنی آنکھوں سے تماشا غرب و شرق

مَیں نے جب گرما دیا اقوامِ یورپ کا لہُو

کیا امامانِ سیاست، کیا کلیسا کے شیوخarooz could not scan this line

سب کو دیوانہ بنا سکتی ہے میری ایک ہُو

کارگاہِ شیشہ جو ناداں سمجھتا ہے اسے

توڑ کر دیکھے تو اس تہذیب کے جام و سبو!

دستِ فطرت نے کیا ہے جن گریبانوں کو چاکarooz could not scan this line

مزدکی منطق کی سوزن سے نہیں ہوتے رفو

کب ڈرا سکتے ہیں مجھ کو اشتراکی کُوچہ گرد

یہ پریشاں روزگار، آشفتہ مغز، آشُفتہ مُو

ہے اگر مجھ کو خطر کوئی تو اُس اُمّت سے ہے

جس کی خاکستر میں ہے اب تک شرارِ آرزو

خال خال اس قوم میں اب تک نظر آتے ہیں وہ

کرتے ہیں اشکِ سحر گاہی سے جو ظالم وضُو

جانتا ہے، جس پہ روشن باطنِ ایّام ہے

مزدکِیّت فتنہ فردا نہیں، اسلام ہے!arooz could not scan this line

جانتا ہُوں میں یہ اُمّت حاملِ قُرآں نہیں

ہے وہی سرمایہ داری بندۂ مومن کا دِیں

جانتا ہُوں میں کہ مشرق کی اندھیری رات میں

بے یدِ بیضا ہے پیرانِ حرم کی آستیں

عصرِ حاضر کے تقاضاؤں سے ہے لیکن یہ خوف

ہو نہ جائے آشکارا شرعِ پیغمبر کہیں

الحذَر! آئینِ پیغمبر سے سَو بار الحذَر

حافظِ نامُوسِ زن، مرد آزما، مرد آفریں

موت کا پیغام ہر نوعِ غلامی کے لیے

نے کوئی فُغفور و خاقاں، نے فقیرِ رہ نشیں

کرتا ہے دولت کو ہر آلودگی سے پاک صافarooz could not scan this line

مُنعموں کو مال و دولت کا بناتا ہے امیں

اس سے بڑھ کر اور کیا فکر و عمل کا انقلاب

پادشاہوں کی نہیں، اللہ کی ہے یہ زمیں!

چشمِ عالم سے رہے پوشیدہ یہ آئِیں تو خوب

یہ غنیمت ہے کہ خود مومن ہے محرومِ یقیں

ہے یہی بہتر الٰہیات میں اُلجھا رہےarooz could not scan this line

یہ کتابُ اللہ کی تاویلات میں اُلجھا رہے

توڑ ڈالیں جس کی تکبیریں طلسمِ شش جہاتarooz could not scan this line

ہو نہ روشن اُس خدا اندیش کی تاریک رات

ابن مریم مر گیا یا زندۂ جاوید ہے

ہیں صفاتِ ذاتِ حق، حق سے جُدا یا عینِ ذات؟

آنے والے سے مسیحِ ناصری مقصود ہے

یا مجدّد، جس میں ہوں فرزندِ مریم کے صفات؟

ہیں کلامُ اللہ کے الفاظ حادث یا قدیمarooz could not scan this line

اُمّتِ مرحوم کی ہے کس عقیدے میں نجات؟

کیا مسلماں کے لیے کافی نہیں اس دَور میں

یہ الٰہیات کے ترشے ہُوئے لات و منات؟arooz could not scan this line

تم اسے بیگانہ رکھّو عالمِ کردار سےarooz could not scan this line

تا بساطِ زندگی میں اس کے سب مُہرے ہوں مات

خیر اسی میں ہے، قیامت تک رہے مومن غلام

چھوڑ کر اَوروں کی خاطر یہ جہانِ بے ثبات

ہے وہی شعر و تصوّف اس کے حق میں خوب تر

جو چھُپا دے اس کی آنکھوں سے تماشائے حیات

ہر نفَس ڈرتا ہُوں اس اُمّت کی بیداری سے مَیں

ہے حقیقت جس کے دیں کی احتسابِ کائنات

مست رکھّو ذکر و فکرِ صُبحگاہی میں اسےarooz could not scan this line

پختہ تر کر دو مزاجِ خانقاہی میں اسے