گھر یار کا ہم سے دور پڑا گئی ہم سے راحت ایک طرف

گھر یار کا ہم سے دور پڑا گئی ہم سے راحت ایک طرف

دل ایک طرف آہ ایک طرف ملنے کی حسرت ایک طرف

ہے موت کا رنگ مرا جیونا جیوں دھندلا چراغ ہوں میں

سکرات کی ظلمت ایک طرف ہستی کی تہمت ایک طرف

جی آ رہا دیدۂ تر میں مجھے دم لینے کی تاب نہیں

ضعف ایک طرف درد ایک طرف اور کاہش طاقت ایک طرف

جوں مشت سپند مرے اعضا جل دل کے انگارے سے اڑتے ہیں

داغوں کا محشر ایک طرف نالوں کی قیامت ایک طرف

دل ہات دے یار کے کیونکے لیوں پھیر آہ جہاں کی ملامت سے

جی لیوے ہے غیرت ایک طرف مارے ہے مروت ایک طرف

غل ہے پتھراؤ ہے لڑکوں کا اک آہ کا لٹھ ہے ہات مرے

ہے سارا عالم ایک طرف دیوانۂ عزلتؔ ایک طرف

ghar yar ka ham se dur para gai ham se rahat ek taraf

dil ek taraf ah ek taraf milne ki hasrat ek taraf

hai maut ka rang mira jiyona jyun dhundla charagh hun main

sakarat ki zulmat ek taraf hasti ki tohmat ek taraf

ji a raha dida-e-tar mein mujhe dam lene ki tab nahin

zof ek taraf dard ek taraf aur kahish taqat ek taraf

jun musht-e-sapnad mire aaza jal dil ke angare se urte hain

daghon ka mahshar ek taraf nalon ki qayamat ek taraf

dil hat de yar ke kyunke liyon pher ah jahan ki malamat se

ji lewe hai ghairat ek taraf mare hai murawwat ek taraf

ghul hai pathrao hai larkon ka ik ah ka lath hai hat mire

hai sara alam ek taraf diwana-e-uzlat ek taraf