جان کر کہتا ہے ہم سے اپنے جانے کی خبر
حسرت عظیم آبادیجان کر کہتا ہے ہم سے اپنے جانے کی خبر
جی ڈوبا دیتی ہے میرا یہ بہانے کی خبر
اس چمن میں کون ہے دل سوز اپنا تجھ سوا
رکھیو ٹک اے برق میرے آشیانے کی خبر
پوچھتا نیں اپنے کوچے میں تو میرا حال ہائے
لے تھی لیلیٰ دشت میں اپنے دوانے کی خبر
ہیں قفس میں جب سے ہم اس سنگ دل صیاد کے
اشک ہی لیتا ہے میرا آب و دانے کی خبر
ہم نہ جانیں کس طرف کعبہ ہے اور کیدھر ہے دیر
ایک رہتی ہے یہی اس در پہ جانے کی خبر
ہر گل داغ جنوں پر اور ہے کچھ آب و رنگ
پھیر ہے گلشن میں گویا گل کے آنے کی خبر
آج سینے میں مرے دل ہے نپٹ ہی بے قرار
دے ہے حسرتؔ غیر کے گھر اس کے جانے کی خبر
jan kar kahta hai ham se apne jane ki khabar
ji duba deti hai mera ye bahane ki khabar
is chaman mein kaun hai dil soz apna tujh siwa
rakhiyo tuk ai barq mere ashiyane ki khabar
puchhta nain apne kuche mein to mera hal hae
le thi laila dasht main apne diwane ki khabar
hain qafas mein jab se ham is sang dil sayyad ke
ashk hi leta hai mera ab-o-dane ki khabar
ham na janen kis taraf kaaba hai aur kidhar hai der
ek rahti hai yahi us dar pe jane ki khabar
har gul-e-dagh-e-junun par aur hai kuchh ab-o-rang
pher hai gulshan mein goya gul ke ane ki khabar
aj sine mein mire dil hai nipat hi be qarar
de hai hasrat ghair ke ghar us ke jane ki khabar