گلزار نسیم

ہر شاخ میں ہے شگوفہ کاری

ثمرہ ہے قلم کا حمد باری

کرتا ہے یہ دو زباں سے یکسر

حمد حق و مدحت پیمبر

پانچ انگلیوں میں یہ حرف زن ہے

یعنی کہ مطیع پنج تن ہے

ختم اس پہ ہوئی سخن پرستی

کرتا ہے زباں کی پیش دستی

خواستگاری جناب باری سے مثنوی گلزار نسیم کی ترتیب کے واسطے

یارب! میرے خامے کو زباں دے

منقار ہزار داستاں دے

افسانہ گل بکاولی کا

افسوں ہو بہار عاشقی کا

ہر چند سنا گیا ہے اس کو

اردو کی زباں میں سخن گو

وہ نثر ہے، داد نظم دوں میں

اس مے کو دو آتشہ کروں میں

ہر چند اگلے جو اہل فن تھے

سلطان قلمروسخن تھے

آگے ان کے فروغ پانا:

سورج کو چراغ ہے دکھانا

پر، عجز سخن سدا ہے باقی

دریا نہیں کار بند ساقی

طعنے سے زبان نکتہ چیں روک

رکھ لے مری اہل خامہ میں نوک

خوبی سے کرے دلوں کو تسخیر

نیرنگ نسیم باغ کشمیر

نقطے، ہوں سپند خوش بیانی

جدول، ہو حصار بحر خوانی

جو نکتہ لکھوں کہیں نہ حرف آئے

مرکز پہ کشش مری پہنچ جائے

روداد زمان پاستانی

یوں نقل ہے خامے کی زبانی

پورب میں ایک تھا شہنشاہ

سلطان زین الملوک ذی جاہ

لشکر کش و تاج دار تھا وہ

دشمن کش و شہر یار تھا وہ

خالق نے دیے تھے چار فرزند

دانا، عاقل، ذکی، خردمند

نقشہ ایک اور نے جمایا

پس ماندہ کا پیش خیمہ آیا

امید کے نخل نے دیا بار

خورشید حمل ہوا نمودار

وہ نور کہ صدقے مہرانور

وہ رخ کہ نہ ٹھہرے آنکھ جس پر

نور آنکھ کا کہتے ہیں پسر کو

چشمک تھی نصیب اس پدر کو

خوش ہوتے ہی طفل مہ جبیں سے

ثابت یہ ہوا ستارہ بیں سے

پیارا یہ وہ ہے کہ دیکھ اسی کو

پھر دیکھ نہ سکیے گا کسی کو

نظروں سے گرا وہ طفل ابتر

مانند سر شک دیدہ تر

پردے سے نہ دایہ نے نکالا

پتلی سا نگاہ رکھ کے پالا

تھا افسر خسرواں وہ گل فام

پالا، تاج الملوک رکھ نام

جب نام خدا جواں ہوا وہ

مانند نظرواں ہوا وہ

آتا تھا شکار گاہ سے شاہ

نظارہ کیا پدرنے ناگاہ

صاد آنکھوں کے دیکھ کے پسر کی

بینائی کے چہرے پر نظر کی

مہر لب شہ ہوئی خموشی

کی نور بصر سے چشمک پوشی

دی آنکھ جو شہ نے رونمائی

چشمک سے نہ بھائیوں کے بھائی

ہر چند کے بادشاہ نے ٹالا

اس ماہ کو شہر سے نکالا

گھر یہی ذکر تھا یہی شور

خارج ہوا نور دیدہ کور

آیا کوئی لے کے نسخہ نور

لایا کوئی جاکے سرمۂ طور

تقدیر سے چل سکا نہ کچھ زور

بینہ نہ ہوا وہ دیدہ کور

ہوتا ہے وہی خدا جو چاہے

مختار ہے، جس طرح نبا ہے

پایا جو سفید چشم صفحا

یوں میل قلم نے سرمہ کھینچا

تھا اک کحال پیر دیریں

عیسی کی تھیں اس نے آنکھیں دیکھیں

وہ مرد خدا بہت کراہا

سلطاں سے ملا، کہا کہ شاہا!

ہے باغ بکاولی میں اک گل

پلکوں سے اسی پہ مار چنگل

خورشید میں یہ ضیا کرن کی

ہے مہر گیا اسی چمن کی

اس نے تو گل ارم بتایا

لوگوں کو شگوفہ ہاتھ آیا

شہ زادے ہوئے وہ چاروں تیار

رخصت کیے شہ نے چار ناچار

شاہانہ چلے وہ لے کے ہمراہ

لشکر، اسباب، خیمے، خرگاہ

وہ بادیہ گرد خانہ برباد

یعنی تاج الملوک ناشاد

میدان میں خاک اڑا رہا تھا

دیکھا تو وہ لشکر آرہا تھا

پوچھا تم لوگ خیل کے خیل

جاتے ہو کدھر کو صورت سیل؟

بولا لشکر کا اک سپاہی

جاتی ہے ارم کو فوج شاہی

سلطاں زین الملوک شہ زور

دیدار پسر سے ہوگیا کور

منظور علاج روشنی ہے

مطلوب گل بکاولی ہے

گل کی جو خبر سنائی اس نے

گلشن کی ہوا سمائی اس کو

ہمرہ کسی لشکری کے ہوکر

قسمت پہ چلا یہ نیک اختر

غلام ہونا چاروں شاہ زادوں کا چوسر کھیل کر دلبر بیسوا سے

نقطوں سے قلم کی مہر ہ بازی

یوں لاتی ہے رنگ بد طرازی

یک چند پھرا کیا وہ انبوہ

صحرا صحرا و کوہ در کوہ

بلبل ہوئے سب ہزار جی سے

گل کا نہ پتا لگا کسی سے

وارد ہوئے ایک جگہ سر شام

فردوس تھا اس مقام کا نام

اک نہر تھی شہر کے برابر

ٹھٹکے سیارے کہکشاں پر

اک باغ تھا نہر کے کنارے

جویاے گل اس طرف سدھارے

دلبر نام ایک بیسوا تھی

اس ماہ کی واں محل سرا تھی

دروازے سے فاصلے پہ گھر تھا

نقارہ چو بدار در تھا

بے جا و بجا نہ سمجھے ان جان

نقارہ بجا کے ٹھہرے نادان

آواز پہ وہ لگی ہوئی تھی

آپ آن کے ٹھاٹھ دیکھتی تھی

جس شخص کو مال دار پاتی

باہر سے اسے لگا کے لاتی

بٹھلا کے، جوے کا ذکر اٹھا کر

چوسر میں وہ لوٹتی سراسر

جیت اس کی تھی، ہاتھ جو کچھ آتا

اس کا کوئی ہتکھنڈا نہ پاتا

بلی کا سر چراغ داں تھا

چوہا پاسے کا پاسباں تھا

الٹاتے اڑی پہ، قسمت آسا

بلی، جو دیا موش، پاسا

جیتے ہوئے بندے تھے ہزاروں

قسمت نے پھنسائے یہ بھی چاروں

صیادنی لائی پھانس کر صید

کرسی پہ بٹھائے نقش امید

گھاتیں ہوئیں دل ربائیوں کی

باتیں ہوئیں آشانائیوں کی

رنگ اس کا جما، تو لا کے چوسر

کھیلی وہ کھلاڑ بازی بد کر

وہ چھوٹ پہ تھی، یہ میل سمجھے

بازی چوسر کی کھیل سمجھے

مغرور تھے مال و زر پہ کھیلے

ساماں ہارے تو سر پہ کھیلے

بدبختی سے آخر جوا تھا

بندہ ہونا بدا ہوا تھا

دو ہاتھ میں چاروں اس نے لوٹے

پنچے میں پھنسے تو چھکے چھوٹے

ایک ایک سے رات بھر نہ چھوٹا

پوپھٹتے ہی جگ ان کا ٹوٹا

زنداں کو چلے مچل مچل کر

نردوں کی طرح پھرے نہ چل کر

لشکر میں سے جوگیا سوئے شہر

پانی سا پھرا نہ جانب نہر

جیتنا تاج الملوک کا دلبر بیسوا کو اور چھوڑ کر روانہ ہونا تلاش گل بکاولی میں

لانا زر گل جو ہے ارم سے

یوں صفحے سے نقش ہے قلم سے

وہ ریگ رواں کا گرد لشکر

یعنی تاج الملوک ابتر

حیران ہوا کہ یا الٰہی!

لشکر پہ یہ کیا پڑی تباہی

اٹھا کہ خبر تو لیجے چل کر

گزرا در باغ بیسوا پر

حیران تھا یہ بلند پایہ

نکلی اندر سے ایک دایہ

لڑکا کوئی گھو گیا تھا اس کا

ہم شکل یہ مہ لقا تھا اس کا

بولی وہ کہ نام کیا ہے تیرا

فرزند اسی شکل کا تھا میرا

بولا وہ کہ نام تو نہیں یاد

طفلی میں ہوا ہوں خانہ برباد

لیکن یہ میں جانتا ہوں دل گیر

مادر تھی مری بھی ایسی ہی پیر

بیٹا وہ سمجھ کے جی سے اس کو

گھر لائی ہنسی خوشی سے اس کو

چلتے تھے ادھر سے دو جواری

ایک ایک کی کر رہا تھا خواری

کہتے تھے: فریب دو گے کیا تم

شہ زادے نہ ہم، نہ بیسوا تم

ذکر اپنے برادروں کا سن کر

بولا وہ عزیز، سن تو مادر!

کون ایسی کھلاڑ بیسوا ہے

شہ زادوں کو جس نے زچ کیا ہے؟

بولی وہ کہ ہاں جوا ہے بدکام

دلبر اک بیسوا ہے خود کام

بلی پہ چراغ رکھ کےشب کو

چوسر میں وہ لوٹتی ہے سب کو

پاسے کی ہے کل چراغ کے ساتھ

وہ بلی کے سر، یہ چوہے کے ہاتھ

شہ زادے کہیں کے تھے بد اقبال

بندے ہوئے، ہار کر زر و مال

بھائی، جوش خوں کہاں جائے

صدمہ ہوا، درد سے کہا ہائے!

پاسے کا، چراغ کا الٹ پھیر

سوجھا نہ اانھیں، یہ دیکھو اندھیر

سوچا وہ کہ اب تو ہم ہیں آگاہ

جیتے ہیں، تو جیت لیں گے ناگاہ

اک بلی جھپٹی چوہے کو بھانپ

نیولے تے بھگا دیا دکھا سانپ

سمجھا وہ کہ ہے شگوں نرالا

نیولا پکڑ آستیں میں پالا

چوسر ہی کے سیکھنے کو اکثر

گھوما وہ بہ رنگ نرد گھر گھر

اک روز اسے مل گیا امیر ایک

وہ صاحب جاہ دل سے تھا نیک

اشراف سجمھ کے لے گیا گھر

بخشا اسے اسپ و جامہ و زر

اس گل کے ہاتھ میں جو زر آیا

جاں بازی کو سوے دلبر آیا

ملتی تھی کھلاڑ ڈنکے کی چوٹ

نقارہ و چوب میں چلی چوٹ

آواز وہ سن کے در پر آئی

ہمرہ اسے لے کے اندر آئی

کام اس کا تھا بس کہ کھیل کھانا

چوسر کا جما وہ کارخانہ

وہ چشم و چراغ بیسوا کے

کرنے لگے تاک جھانک آ کے

نیولا، کہ وہ مار آستیں تھا

چٹکی کے بجاتے ہی وہیں تھا

بلی تو چراغ پا تھی خاموش

بل ہو گیا موش کو فراموش

ہنس ہنس کے حریف نے رلایا

مانند چراغ اسے جلایا

بارے بہ ہزار بددماغی

لی خضر نے غول سے چراغی

پا سے چلی نہ جعل سازی

اجڑی وہ، بسا بسا کے بازی

سب ہار کے نقد و جنس، بارے

جیتے ہوئے بندے بد کے ہارے

بنیاد جو کچھ تھی، جب گنوائی

تب خود وہ کھلاڑ، مہرے آئی

پھر پاسے کی نہ پاس داری

ہمت کی طرح وہ دل سے ہاری

پاسے کی بدی ہے آشکارا

راجانل سلطنت ہی ہارا

دانا تو کرے کب اس طرف میل

ہارا ہے جوے کے نام سے بیل

ہارے، دیکھا جو بیسوا نے

بندہ کیا غیر کا خدا نے

سوچی کہ نہ اب بھی چال رہیے

شادی کا مزہ نکال رہیے

بولی نہ ہزار عجز و زاری

تم جیتے میاں میں تم سے ہاری

لونڈی ہوں، نہیں عدول مجھ کو

خدمت میں کرو قبول مجھ کو

بولا وہ کہ سن، یہ ہتکھنڈے چھوڑ

نقارہ در کو چوب سے توڑ

یہ مال، یہ زر، یہ جیتے بندے

یوں ہی یہیں رکھ بجنس چندے

بالفعل ارم کو جاتے ہیں ہم

انشاء اللہ آتے ہیں ہم

بولی وہ۔ سنو تو بندہ پرور!

گلزار ارم ہے پریوں کا گھر

انسان و پری کا سامنا کیا!

مٹھی میں ہوا کا تھا منا کیا!

شہ زادہ ہنسا، کہا کہ دلبر!

کچھ بات نہیں، جو رکھیے دل پر

انسان کی عقل اگر نہ ہو گم

ہے چشم پری میں جاے مردم

یہ کہہ کے اٹھا، کہا کہ لو جان!

جاتے ہیں، کہا: خدا نگہ بان!

دولت تھی اگر چہ اختیاری

پا مردی سے اس پہ لات ماری

جز جیب، نہ مال پر پڑا ہاتھ

جز سایہ، نہ کوئی بھی لیا ساتھ

درویش تھا بندۂ خدا وہ

اللہ کے نام پر چلا ہو

پہنچنا تاج الملوک کا سرنگ کھدواکر باغ بکاولی میں اور گل لے کر پھرنا

کرتا ہے جو طے سواد نامہ

یوں حرف، ہیں نقش پاے خامہ

وہ دامن دشت شوق کا خار

یعنی تاج الملوک دل زار

اک جنگلے میں جا پڑا جہاں گرد

صحراے عدم بھی تھا جہاں، گرو

سایے کو پتا نہ تھا شجر کا

عنقا تھا، نام جانور کا

مرغان ہوا تھے ہوش راہی

نقش کف پا تھے ریگ ماہی

وہ دشت کہ جس میں پر تگ و دو

یا ریگ رواں تھی یا وہ رہ رو

ڈانڈا تھا ارم کے بادشاہ کا

اک دیو تھا پاسباں بلا کا

دانت اس کے: گور کن قضا کے

دو نتھنے: رہ عدم کے ناکے

سر پر پایا بلا کو اس نے

تسلیم کیا قضا کو اس نے

بھوکا کئی دن کا تھا وہ ناپاک

فاقوں سے رہا تھا پھانک کر خاک

بے ریشہ یہ طفل نوجواں تھا

حلوا بے دود بے گماں تھا

بولا کہ چھکوں گاہیں یہ انساں

اللہ اللہ! شکر، احساں!

شہ زادہ کہ منہ میں تھا اجل کے

اندیشے سے رہ گیا دہل کے

پل مارنے کی ہوئی جو دیری

سبحان اللہ شان تیری!

اشتر کئی جاتے تھے ادھر سے

پر آردو روغن و شکر سے

وہ دیو لپک کے مار لایا

غراتے ہوئے شکار لایا

اونٹوں کی جو لو تھیں دیو لایا

دم اس کا نہ اس گھڑی سمایا

تیورا کے وہیں وہ بار بر دوش

بیٹھا تو گرا، گرا تو بے ہوش

چاہا اس نے کہ مار ڈالو

یا بھاگ سکو تو راستہ لو

وہ اونٹ تھے کاروانیوں کے

سب ٹھاٹھ تھے میہانیوں کے

میدہ بھی، شکر بھی، گھی بھی پایا

خاطر میں یہ اس بشر کی آیا

میٹھا اس دیو کو کھلاؤ

گڑ سے جو مرے، تو زہر کیوں دو

حلوے کی پکا کے اک کڑھائی

شیرینی دیو کو چڑھائی

ہر چند کہ تھا وہ دیو کڑوا

حلوے سے کیا منہ اس کا میٹھا

کہنے لگا: کیا مزہ ہے دل خواہ!

اے آدمی زاد واہ وا واہ!

چیز اچھی کھلائی تو نے مجھ کو

کیا اس کے عوض میں دوں میں تجھ کو

بولا وہ کہ پہلے قول دیجے

پھر جو میں کہوں، قبول کیجے

وہ ہاتھ پر اس کے مار کر ہاتھ

بولا کہ ہے قول جان کے ساتھ

بولا وہ کہ قول اگر یہی ہے

بد عہدی کی پر نہیں سہی ہے

گلزار ارم کی ہے مجھے دھن

بولا وہ: ارے بشر وہ گلبن!

خورشید کے ہم نظر نہیں ہے

اندیشے کا واں گزر نہیں ہے

واں موج ہوا: ہوا پہ اژدر

واں ریگ زمیں: زمیں پہ اخگر

ہوتا نہ جو قول کا سہارا

بچتانہ یہیں تو خیر، ہارا

رہ جا، میرا بھائی ایک ہے اور

شاید کچھ اس سے بن پڑے طور

اک ٹیکرے پر گیا، بلایا

وہ مثل صدائے کوہ آیا

حال اس سے کہا کہ قول ہارا

ہے پیر، یہ نوجواں ہمارا

مشتاق ارم کی سیر کا ہے

کوشش کرو، کم خیر کا ہے

حمالہ نام دیونی ایک

چھوٹی بہن اس کی تھی بڑی نیک

خط اس کو لکھا بہ ایں عبارت

اے خواہر مہرباں! سلامت

پیارا ہے یہ میرا آدمی زاد

رکھیو اسے، جس طرح مری یاد

انسان ہے، چاہے کچھ جو سازش

مہمان ہے، کیجیو نوازش

خط لے کے، بشر کو لے اڑا دیو

پہنچا حمالہ پاس بے ریو

بھائی کا جو خط بہن نے پایا

بھیجے ہوئے کو گلے لگایا

اس دیونی پاس اک حسیں تھی

زنبور کے گھر میں انگبیں تھی

محمودہ نام، دخت آدم

لے ائی تھی دیونی دے کے دم

جوڑا ہم جنس کے ہاتھ آیا

محمودہ کے گلے لگایا

دن بھر تو الگ تھلگ ہی تھے وہ

دو وقت سے شام کو ملے وہ

تھے ضبط و حیا کے امتحاں میں

پردہ رہا ماہ میں، کتاں میں

آپس میں کھلے نہ شرم سے وہ

خاطر کی طرح گرہ رہے وہ

بولا وہ فسردہ دل سحر گاہ

کیا سرد ہوا ہے واہ وا واہ!

بولی وہ کہ ہونے کو ہوا ہے

جو غنچے کو گل کرے، صبا ہے

بولا وہ، یہی تو چاہتا ہوں

گل پاؤں، تو میں ابھی ہوا ہوں

پیراہن گل کی بو، تھی مطلوب

یوسف نے کہا وہ حال یعقوب

اول کہی بد نگاہی اپنی

بعد اس کے وہ سب تباہی اپنی

کھولی تھی زبان منہ اندھیرے

کہتے سنتے اٹھے سویرے

پوچھا حمالہ نے: میری جان!

ہم جنس ملا، نکالے ارمان

بولی وہ کہ کہتے آتی ہے شرم

دل سرد رہا، بغل ہوئی گرم

ناکامی کے جب وہ طور سمجھی

وہم اس کو ہوا، کچھ اور سمجھی

پوچھا کہ بتا تو درد، لیکن

تم چاہو، تو ہے دوا بھی ممکن

وہ بولی: جو تو کہے زباں سے

تارے لے آؤں آسماں سے

چہرے کو چھپا کے زیر چادر

محمودہ نے کہا کہ مادر!

باپ اس کا ہے اندھے پن سے مجہول

مطلوب بکاولی کا ہے پھول

دل داغ اس کا براے گل ہے

نرگس کے لیے ہواے گل ہے

ساعی تھی بہ دل یہ کہنے والی

راہ اس نے سرنگ کی نکالی

دیووں کہا کہ چوہے بن جاؤ

تا باغ ارم سرنگ پہنچاؤ

سن حاجت نقب بہر گل گشت

کترا چوہوں نے دامن دشت

پوشیدہ زمیں کے دل میں کی راہ

حد باندھ کے، خوش پھرے اسی راہ

جب مہر تہ زمیں سمایا

اس نقب کی رہ وہ آدم آیا

صحن چمن ارم میں اک جا

بوٹا سا تہ زمیں سے نکلا

کھٹکا جو نگاہ بانوں کا تھا

دھڑکا یہی دل کا کہہ رہا تھا

گوشے میں کوئی لگا نہ ہووے!

خوشہ کوئی تاکتا نہ ہووے!

گو باغ کے پاسباں غضب تھے

خوابیدہ بہ رنگ سبزہ سب تھے

نرگس کی کھلی نہ آنکھ یک چند

سو سن کی زباں خدانے کی بند

خوش قدر وہ چلا گل وہ سمن میں

شمشاد رواں ہوا چمن میں

ایوان بکاولی جدھر تھا

حوض آئنہ دار بام و در تھا

رکھتا تھا وہ آب سے سوا تاب

چندے خورشید، چندے مہتاب

پھول اس کا، اندھے کی دوا تھا

رشک جام جہاں نما تھا

پانی کے جو بلبلوں میں تھا گل

پہنچا لب حوض سے نہ چنگل

پوشاک اتار، اتر کے لایا

پھولا نہ وہ جامے میں سمایا

گل لے کے بڑھا ایاغ برکف

چوری سے چلا چراغ برکف

بالا دری واں جو سوتے کی تھی

سو خواب گہہ بکاولی تھی

گول اس کے ستوں: تھے ساعد حور

چلمن: مژگان چشم مخمور

دکھلاتا تھا وہ مکان جادو

محراب سے ، درسے چشم و ابرو

پردہ جو حجاب سا اٹھایا

آرام میں اس پری کو پایا

بند اس کی وہ چشم نرگسی تھی

چھاتی کچھ کچھ کھلی ہوئی تھی

سمٹی تھی جو محرم اس قمر کی

برجوں پہ سے چاندنی تھی سر کی

لپٹے تھے جو بال کروٹوں میں

بل کھا گئی تھی کمر، لٹوں میں

چاہا کہ بلا گلے لگائے

سوتے ہوئے فتنے کو جگائے

سوچا کہ یہ زلف کف میں لینی

ہے سانپ کے منہ میں انگلی دینی

یہ پھول، انھی اژدہوں کا ہے من

یہ کالے، چراغ کے ہیں دشمن

گل چھن کے، ہنسی نہ ہوئے بلکل

خندہ نہ ہو برق حاصل گل

پھر سمجھیں گے، ہے جو زندگانی

کچھ نام کو رکھ چلو نشانی

انگشتری اپنی اس سے بدلی

مہر خط عاشقی سندلی

آہستہ پھر وہ سر و بالا

سایہ بھی نہ اس پری پہ ڈالا

ہیبت سا زمیں کے دل میں آیا

اندیشے کی طرح سے سمایا

جب نقب افق سے مہر تاباں

نکلا، تو وہ ماہ روشتاباں

گل ہاتھ میں مثل دست انساں

دونوں تھیں اس کی منتظرواں

گل لے کے جب آملا وہ گل چیں

اس نقب کی رخنہ بندیاں کیں

آوارہ ہونا بکاولی کا تاج الملوک گل چیں کی تلاش میں

گل کا جو الم چمن چمن ہے

یوں بلبل خامہ نعرہ زن ہے

کل چیں نے وہ پھول جب اڑایا

اور غنچہ صبح کھل کھلایا

وہ سبزہ باغ خواب آرام

یعنی وہ بکاولی گل اندام

جاگی مرغ سحر کے غل سے

اٹھی نکہت سی فرش گل سے

منہ دھونے جو آنکھ ملتی آئی

پرآب وہ چشم حوض پائی

دیکھا، تو وہ گل ہوا ہوا ہے

کچھ اور ہی گل کھلا ہوا ہے

گھبرائی کہ ہیں! کدھر گیا گل!

جھنجلائی کہ کون دے گیا جل

ہے ہے مرا پھول لے گیا کون!

ہے ہے مجھے خار دے گیا کون

ہاتھ اس پہ اگر پڑا نہیں ہے

بو ہو کے تو پھول اڑا نہیں ہے

نرگس! تو دکھا کدھر گیا گل؟

سوسن! تو بتا کدھر گیا گل؟

سنبل! مرا تازیانہ لانا

شمشاد! انھیں سولی پر چڑھانا

تھرائیں خواصیں صورت بید

ایک ایک سے پوچھنے لگی بھید

نرگس نے نگاہ بازیاں کیں

سوسن نے زباں درازیاں کیں

پتا بھی پتے کو جب نہ پایا

کہنے لگیں: کیا ہوا خدایا!

اپنوں میں سے پھول لے گیا کون

بیگانہ تھا سبزے کو سوا کون!

شبنم کے سوا چرانے والا

اوپر کا تھا کون آنے والا

جس کف میں وہ گل ہو، داغ ہو جائے

جس گھر میں ہو، گل چراغ ہو جائے

بولی وہ بکاولی کہ افسوس!

غفلت سے یہ پھول پر پڑی اوس

آنکھوں سے عزیز گل مرا تھا

پتلی وہی چشم حوض کا تھا

نام اس کا صبا! نہ لیتی تھی میں

اس گل کو ہوا نہ دیتی تھی میں

گل چیں کا جو ہائے ہاتھ ٹوٹا

غنچے کے بھی منہ سے کچھ نہ پھوٹا

اوخار! پڑا نہ تیرا چنگل

مشکیں کس لیں نہ تو نے سنبل!

او باد صبا! ہوا نہ بتلا

خوش بو ہی سنگھا، پتا نہ بتلا

بلبل! تو چہک، اگر خبر ہے

گل! تو ہی مہک، بتا کدھر ہے؟

لرزاں تھی زمیں یہ دیکھ کہرام

تھی سبزے سے راست مو بر اندام

انگلی لب جو پہ رکھ کے شمشاد

تھا دم بہ خود، اس کی سن کے فریاد

جو نخل تھا، سوچ میں کھڑا تھا

جو برگ تھا، ہاتھ مل رہا تھا

رنگ اس کا عرض لگا بدلنے

گل برگ سے کف لگی ہو ملنے

بدلے کی انگوٹھی ڈھیلی پائی

دست آویز اس کے ہاتھ آئی

خاتم، تھی نام کی نشانی

انسان کی دست برد جانی

ہاتھوں کو ملا، کہا کہ ہیہات!

خاتم بھی بدل گیا ہے بدذات

جس نے مجھے ہاتھ ہے لگایا

وہ ہاتھ لگے کہیں خدایا!

عریاں مجھے دیکھ کر گیا ہے

کھال اس کی جو کھینچے، سزا ہے

یہ کہہ کے، جنون میں غضب ناک

خوں روئی، لباس کو کیا چاک

گل کا سا لہو بھرا گریباں

سبزے کا سا تار تار داماں

دکھلا کے کہا سمن پری کو

اب چین کہاں بکاولی کو

تھی بس کہ غبار سے بھری وہ

آندھی سی اٹھی، ہوا ہوئی وہ

کہتی تھی پری کہ اڑکے جاتی

گل چیں کا کہیں پتا لگاتی

ہر باغ میں پھولتی پھری وہ

ہر شاخ پہ جھولتی پھری وہ

جس تختے میں مثل باد جاتی

اس رنگ کے گل کی بو نہ پاتی

بے وقت کسی کو کچھ ملا ہے!

پتا کہیں حکم بن ہلا ہے!

پہنچنا تاج الملوک کا ایک اندھے فقیر کے تکیے پر اور آزمانا گل کا

پھر نا جو وطن کا، مدعا ہے

اب صفحے پہ یو ں قلم پھرا ہے

وہ گلشن مدعا کا گل چیں

یعنی تاج الملوک حق بیں

جس وقت گل اس چمن سے لایا

محمودہ خوش ہوئی کہ آیا

کہنے لگی: لو مراد پائی

بولا وہ: جو یاں سے ہو رہائی

گل کی وہ عرض کر آشکارا

جوبن کی طرح اسے ابھارا

جب دیو سیاہ شب سے ماہتاب

رخصت ہوا، جیسے چشم سے خواب

اور گل لیے آفتاب تاباں

ہنگام سحر ہوا شتاباں

وہ مہر وش اور اوہ ماہ پیکر

اس دیونی پاس آتے مضطر

گل کی وہ عرض جتائی اس کو

رخصت کی طلب سنائی اس کو

کیا کہتی وہ دیونی، کہا: جاؤ

دیووں سے کہا کہ تخت لے آؤ

بولے کہ کدھر چلو گے، کہہ دو

فردوس کے رخ، کہا، ادھر کو

وہ مڑ کے، ادھر کو اڑاکے آئے

گلزار میں بیسوا کے لائے

وقت سحر اور خنک ہوا تھی

گل گشت چمن مین بیسوا تھی

چار آنکھیں ہوئیں تو تھی شناسا

قدموں پہ گری وہ سایہ آسا

صدقے ہو کر کہا: خوش آئے

جس گل کی ہوا لگی تھی، لائے؟

ہمراہ یہ کون دوسری ہے؟

سایہ ہے کہ ہم قدم پری ہے!

بولا شہ زادہ: شکر ہے، ہاں

پر ہے گل آرزو سے داماں

محمودہ نام یہ جو ہیں ساتھ

پھول ان کے سبب سے آگیا ہاتھ

جیتا جو پھرا وہ رشک شمشاد

قیدی کیے بیسوا نے آزاد

جھوٹوں اس نے تھا ان کو تایا

سچوں، کھوٹوں نے داغ کھایا

دغا، تو چلے تفنگ سے وہ

چھوٹے قید فرنگ سے وہ

چھوڑا ہوس گل و چمن کو

چاروں داغی پھرے وطن کو

بندوں کو کشتیوں پہ کر بار

سونپا سب ناخدا کو گھر بار

جب متصل آگیا وطن کے

خندے یاد آئے مرد و زن کے

سوچا کہ میں خود ہوں خانہ برباد

کیا جانیے کیا پڑے گی افتاد

لازم ہے گل اپنے ہاتھ رکھیے

موقع نہیں بھیڑ ساتھ رکھیے

لنگر کا انہیں کیا اشارہ

خود کشتی سے کر گیا کنارہ

وہ پوربی، کر کے جو گیا بھیس

جنگلے کی راہ سے چلا دیس

تکیے پہ فقیر، پیر، اندھا

اک گوشے میں آنکھیں مانگتا تھا

تھا نقش قدم سا خاک رہ پر

ٹھہرا وہ مسافر اس جگہ پر

بے تجربہ تھی نمایش گل

واجب تھی آزمایش گل

پتلی پہ زر گل آزمایا

سونے کو کسوٹی پر چڑھایا

گل سے ہوئیں چشم کور تاباں

ہو جیسے چراغ سے چراغاں

منہ دیکھ کے اس نے دیں دعائیں

پنجے سے مژہ کے لیں بلائیں

گل کے جو اثرسے شادماں تھا

گل چیں وہ ہوا سے ہم عناں تھا

ملنا چاروں شہ زادوں کا اور چھن جانا گل بکاولی کا

تاج الملوک سے اور بینا ہونا چشم زین الملوک کا

ہے بس کہ یہ چرخ جور پیشہ

یوں خار رہ قلم ہے ریشہ

یہ جا کے، اسی جگہ پہ ناگاہ

آپہنچے وہ چاروں غول گم راہ

کہتے تھے کہ واہ رے مقدر!

کس شک سے پھر کے جاتے ہیں گھر

کیا رنگ زمانے نے دکھائے!

گل لینے گئے تھے، داغ لائے

کس منہ سے پدر کے آگے جائیں

کیوں کر بے پھول منہ دکھائیں

ٹھہرائی کہ اور پھول لے جایئں

کحال کو بے وقوف بنایئں

اک باد ہوائی توڑ کر پھول

کہنے لگے پھول پھول کر غول

کیا پھول ہے! کیا اثر ہے اس میں!

ہو جاتی ہیں روشن اندھی آنکھیں

وہ کور کہ ہو چکا تھا بینا

دیکھا اس نے جو یہ قرینا

بولا کہ یہ گل، وہ گل نہیں ہے

اس پھول کی اور گل زمیں ہے

وہ جوگی جو جاتے ہیں، اگر آئیں

دکھلائیں وہ گل، تو آنکھیں کھل جائیں

میں کور، ابھی ہو چکا ہوں بینا

اندھا نہیں اب ہوا ہوں بینا

چاروں کو تھی حسرت گل تر

چو بائی ہوا کی طرح چل کر

اس جوگی کے جب برابر آئے

باہم کہا: دیکھو پھول لائے

گل ہے کہ علاج نور ہے یہ!

گل ہے کہ چراغ طور ہے یہ!

جوگی، یعنی وہ شاہ زادہ

بولا کہ بکو نہیں زیادہ

پاتے اگر اس درخت کی چھاؤں

رکھتے ہی نہ تم زمین پر پاؤں

ڈینگ آپ کی سب فضول ہے یہ

وہ گل یہ نہیں، وہ پھول ہے یہ

یہ کہہ کے، جو جیب سے نکالا

ان مفت بروں نے ہاتھ ڈالا

قوت میں وہ چارتھے، یہ بے کس

شورش میں وہ چار، موج، یہ خس

غولوں نے بہ زور پھول اڑایا

اس خضر کو راستہ بتایا

گل پانے سے بس کہ سرخ رو تھے

گھوڑوں پہ ہوا کے مثل بو تھے

تعجیل سے رو بہ راہ آئے

گل لے کے حضور شاہ آئے

گل لائے جو نور دیدہ دل خواہ

آنکھوں کی طرح پھڑک گیا شاہ

پنجے سے پلک کے پھول اٹھایا

اندھے نے گل آنکھوں سے لگایا

نور آ گیا چشم آرزو میں

آیا پھر آب رفتہ جو میں

خورشید بصر گہن سے چھوٹا

خیرات کے در کا قفل ٹوٹا

دولت جو پاس تھی، لٹائی

زر بخشا گل کی رونمائی

ایک ایک کو اس قدر دیا زر

محتاج، گدا، ہوئے تو نگر

سجوائے طرب کے کار خانے

بجوائے خوشی کے شادیانے

گل چیں کا جو اب پتا ملا ہے

یو شاخ قلم سے گل کھلا ہے

وہ باد چمن چمن خراماں

یعنی وہ بکاولی پریشاں

گلشن سے جو خاک اڑاتی آئی

اس شہر میں آتی آتی آئی

دیکھا تو خوشی کے چہچہے تھے

گل چیں کے شگوفے کھل رہے تھے

گلبانگ زناں تھا، جو جہاں تھا

ایک ایک، ہزار داستاں تھا

پاتے ہی پتا، خوشی سے پھولی

شاد ایسی ہوئی کہ رنج بھولی

جادو سے بنی وہ آدمی زاد

انسانوں میں آ ملی پری زاد

سلطاں کی سواری آرہی تھی

صورت جو نگاہ کی، پری تھی

پوچھا: اے آدم پری رو!

انساں ہے، پری ہے، کون ہے تو؟

کیا نام ہے اور وطن کدھر ہے؟

ہے کون سا گل، چمن کدھر ہے؟

دی اس نے دعا، کہا بہ صد سوز

فرخ ہو شہا! میں ابن فیروز

گل ہوں، تو کوئی چمن بتاؤں!

غربت زدہ کیا وطن بتاؤں!

گھر بار سے کیا فقیر کو کام

کیا لیجیے چھوڑے گاؤں کا نام

پوچھا کہ سبب؟ کہا کہ قسمت

پوچھا کہ طلب؟ کہا: قناعت

باتوں پہ فدا ہوا شہنشاہ

لایا بہ صد امتیاز ہمراہ

چہرے سے امیرزادہ پایا

گھر لا کے، وزیر اسے بنایا

نذریں لیے بندگان درگاہ

دستور سے آملے بہ صد جاہ

دربار میں چاروں شاہ زادے

دیکھے، تو کھلے وہ دل کے سادے

چاہا، گل چیں کا امتحاں لے

پوچھا کہ نگیں جو لے، کہاں لے؟

بتلانے لگے وہ چاروں ناداں

کوئی یمن اور کوئی بدخشاں

جانا کہ جو گل یہ لائے ہوتے

خاتم کے نگیں بتائے ہوتے

تجویز میں تھا یہ صاحب فکر

آیا تاج الملوک کا ذکر

نقش اس کو ہوا کہ بس وہی ہے

ان سادوں سے کندہ کب ہوئی ہے

ظاہر نہ کیا بطون اپنا

طالع سے لیا شگون اپنا

منزل گہ رہ رواں بنا کے

شام و سحر اس میں آپ آکے

رہ رو کو دیا بہ لطف و اکرام

آتے آرام، جاتے پیغام

آباد ہونا تاج الملوک کا گلشن نگاریں بنوا کے اور شہرہ ہونا

تعمیر مکاں کے ہیں جو آثار

یوں خامہ ہے بہر بیت، معمار

شہ زادہ کہ عازم وطن تھا

گل پانے سے خوش چمن چمن تھا

اندھے کو کیا جب اس نے بینا

اور داغیوں نے وہ پھول چھینا

سوچا کہ خوشی خدا کی، غم کھاؤ

حمالہ دیونی کو بلواؤ

نقل ارم ایک مکاں بنا کے

رکھوں پریوں کو اپنی لاکے

بال آگ پہ رکھتے، آندھی آئی

وہ دیونی بال باندھی آئی

تنہا اسے دیکھ کر کہا: ہیں!

محمودہ کیا ہوئیں؟ کہا: ہیں

دریا پہ ہوں ان کو چھوڑ آیا

مسکن کے لیے تمھیں بلایا

لیکن وہ مکاں، وہ حوض، وہ باغ

جو باغ بکاولی کو دے داغ

حمالہ نے دیووں کو کیا یاد

آئے تو کہا: یہ بن، ہو آباد

ویرانے کو گل زمیں بناؤ

گلزار جو اہریں بناؤ

صناع طلسم کار تھے وہ

گلشن کے لیے بہار تھے وہ

دیووں نے ادھر محل بنایا

کشتی سے وہ دخت رز کو لایا

حمالہ اس کی مادر پیر

محمودہ سے ہوئی بغل گیر

کچھ دیووں کو چھوڑ کر وہیں پر

رخصت ہو کر چلی گئی گھر

گلشن میں سمن بڑوں کو لایا

نسریں بدنوں سے گھر بسایا

دونوں کو محل میں لا کے رکھا

پھل نخل مواصلت کا چکھا

دیووں کو کہا کہ بہر تمکیں

آباد ہو گلشن نگاریں

دیو، آدمی بن کے بن میں آئے

آتے جاتے کو گھیر لائے

جو سن کے خبر، گیا ادھر کو

جنت سے وہ پھر پھرا نہ گھر کو

ازبس کہ قریب شہر تھا باغ

خورشید افق نظر پڑا باغ

مفلس، زردار، امیر، قلاش

نوکر، تاجر، فقیر، خوش باش

گھر چھوڑ کے چل بسے سب انساں

پھر تن میں نہ آئے صورت جاں

ملاقات ٹھہرنی زین الملوک اور تاج الملوک کی آپس میں

گلشن جو بنا جواہر آگیں

یوں صفحہ قلم سے ہے نگاریں

ساعد نام ایک مہ لقا تھا

دلبر کا غالام با وفا تھا

صحرا سے جو سیر کر کے آیا

لکڑی کے چکا کے بو جھ لایا

دلوائے ہر ایک کو پے قوت

الماس و عقیق و لعل و یاقوت

تھی بس کہ وہ جا خلاصہ دہر

کچھ ٹھہرے، کچھ آئے جانب شہر

کف میں جو وہ لعل بے بہا تھے

من پاتے ہی، لوگ اژدہا تھے

شحنے نے سنا، پکڑ بلایا

لے کر اظہار، ساتھ آیا

دیکھا تو وہ جلوہ گاہ امید

اک دائرہ تھا بہ رنگ خورشید

دروازے پہ دیووں کا تھا پہرا

بھجوا کے خبر، وہ شحنہ ٹھہرا

جب واں سے طلب ہوا، تو درباں

لائے اسے پیشگاہ سلطاں

آداب کیا، ادب سے ٹھہرا

ہیبت زدہ دور سب سے ٹھہرا

ان لوگوں کو لے گیا تھا ہمراہ

معروض کیا کہ یا شہنشاہ!

کم مایہ یہ لوگ ہیں بہ ظاہر

چوری کے تو یہ نہیں جواہر

ساعد نے کہا کہ ہے یہ حاسد

نیت ہوئی ہوگی اس کی فاسد

حضرت! یہ وہی تو تبردار

جا، ان سے نہ بولیو، خبردار!

پھر کر انھی پاؤں شحنہ بے آس

آیا زین الملوک کے پاس

کی عرض کہ باغ اک بنا ہے

یہ شہر اجڑا ہے، وہ بسا ہے

جو کوئی ہے اس جگہ پہ جاتا

ڈھیروں ہے جواہرات پاتا

حضرت نے کہا کہ بک نہ خیرہ

قاروں کا وہیں ہے کیا ذخیرہ!

فرخ کہ وزیر باخرد تھا

سلطاں مشیر نیک و بد تھا

بولا کہ شہا! یہ بات کیا ہے

نیرنگ و فسوں کا گھر بڑا ہے

ہر چند کہ طرفہ حال ہے یہ

کچھ دور نہیں، مثال ہے یہ

اک ملک میں ایک صاحب فوج

رکھتا تھا محل میں بارور زوج

تھا داغ پسر مقدر اس کو

جننی تھی ہمیشہ دختر اس کو

از بس کہ وہ شاہ تھا بد اختر

کرتا تھا حسد سے قتل دختر

اک بار محل میں پھر حمل تھا

وہ شاہ کہ ظلم میں مثل تھا

کھا بیٹھا قسم کہ اب کی باری

بیٹا جو نہ دے جناب باری

اقبال کا کچھ نہ جانے اوج

کر ڈالیے ذبح دختر و زوج

کنیا تھی غرض کہ راس اس کی

پوری نہ ہوئی وہ آس اس کی

سلطاں کا جو عہد بے خلل تھا

گھر والوں کو خوف کا محل تھا

ملحوظ بہ دل تھا پردہ راز

سیارہ شناسوں سے کیا ساز

ہر چند ستارہ مال کا تھا ماند

تھی چاندنی، شہرہ کر دیا چان

بیٹے کا وہ زائچہ بنا کے

گویا ہوئے دست بستہ آ کے

حضرت! یہ پسر ہے نیک اختر

بدیمن مگر ہے ایک اختر

جب تک نہ چلے یہ اپنے پاؤں

حضرت نہ پسر کے سامنے ہوں

حلیہ کر کے چھپا کے یک چند

بے تاب ہوا جب آرزومند

وہ گندم جو نما تھی بالی

مردانہ لباس سے نکالی

خوش ہو کے پدر نے بہر شادی

ٹھہرائی کہیں کی شاہ زادی

بن ٹھن کے عروس شک داماد

شادی کو چلی بہ جان ناشاد

اک شب کسی دشت میں تھے ڈیرے

اور روز نکاح تھا سویرے

خیمے سے وہ بے قرار نکلی

اس چھالے سے مثل خار نکلی

دیکھا تو اندھیری رات سنسان

اک عالم ہو ہے اور بیابان

ایک دیو وہاں پہ گشت میں تھا

جویاے شکار دشت میں تھا

دیکھا تو کہا: خضر ملے، آؤ

منہ کھولو، عدم کی راہ بتلاؤ

بولا وہ کہ سن تو آدمی زاد!

کیوں تنگ ہے جی سے، کیا ہے بیداد؟

اے مرد خدا! خدا کی سوگند

کہہ، جس لیے تو ہے آرزو مند

بولی وہ کہ یہ خیال، ہے خام

خنجر کا ہو کیا نیام سے کام

کہہ کر کھلے بندوں جی کی تنگی

بے ننگ، ہوئی وہ شوخ، ننگی

آنکھیں جھپکا کے دیو بولا

تو کیا کھلی، پردہ تو نے کھولا

خاطر تری، لے طلسم دکھلاؤں

تو مجھ سی بنے، میں تجھ سا بن جاؤں

موند آنکھ کہا، تو موند لی آنکھ

کھول آنکھ کہا، تو کھول دی آنکھ

پائے مردانگی کے پر تو

دامن میں سے دی چراغ نے لو

تھا لے میں یہاں اگا صنوبر

واں شیشہ، رہا ترش کے، ساغر

اب یاں سے ہے قصہ مختصر طول

فرخ کہ وہ تھا وزیر معقول

بولا کہ شہا! جو یہ ہوا ہے

اس بات کا پھر وجود کیا ہے

شہ نے کہا: سن وزیر دانا

بے دیکھے، سنے کو کس نے مانا

یاد آئی مجھے بھی اک روایت

یہ کہہ کے، بیان کی حکایت

حکایت نصیحت گری مرغ اسیر و نافہمی صیاد کی

اک مرغ ہوا اسیر صیاد

دانا تھا وہ طاہر چمن زاد

بولا جب اس نے باندھے بازو

کھلتا نہیں کس طمع پہ ہے تو

بیجا، تو ٹکے کا جانور ہوں

گر ذبح کیا، تو مشت پر ہوں

پالا، تو مفارقت ہے انجام

دانا ہو، تو مجھ سے لے مرے دام

بازو میں نہ تو مرے گرہ باندھ

سمجھاؤں جو پند، اسے گرہ باندھ

سن، کوئی ہزار کچھ سنائے

کیجے وہی جو سمجھ میں آئے

قابو ہو، تو کیجئے نہ غفلت

عاجز ہو، تو ہاریے نہ ہمت

آتا ہو، تو ہاتھ سے نہ دیجے

جاتا ہو، تو اس کا غم نہ کیجے

طائر کے یہ سن کلام، صیاد

بن داموں ہوا غلام صیاد

بازو کے جو بند کھول ڈالے

طائر نے تڑپ کے پر نکالے

اک شاخ پہ جا، چہک کے بولا

کیوں، پر مرا کیا سمجھ کے کھولا؟

ہمت نے مری، تجھے اڑایا

غفلت نے تری، مجھے چھڑایا

دولت نہ نصیب میں تھی تیرے

تھا لعل نہاں شگم میں میرے

دے کر صیاد نے دلاسا

چاہا، پھر کچھ لگائے لاسا

بولا وہ کہ دیکھ، کر گیا جعل

طائر بھی کہیں نگلتے ہیں لعل!

ارباب عرض کی بات سن کر

کر لیجیے یک بہ یک نہ باور

فرخ! یہ وہی مثل نہ ہوئے!

دیکھ آ، جو تجھے دہل نہ ہوئے

مشتاق تو تھا، چلا وہ دستور

دکھلائی دیا وہ بقعہ نور

نقشے میں وہ گلشن نگاریں

گلزار ارم سے تھا خوش آئیں

حیرت تھی کہ یہ طلسم کیا ہے!

پردیس میں ہوں کہ گھر مرا ہے!

اس سوچ میں تخت گہ تک آیا

حیراں وہ وزیر، شہ تک آیا

آداب اک کر کے حسب دستور

ٹھہرا، تو وہ بادشاہ مستور

سمجھا کہ حسین آدمی ہے

کیا جانے کہ خود بکاولی ہے

پوچھا کہ کدھر سے آئے، کیا نام؟

بولا وہ کہ نام سے ہے کیا کام

انسان ہوں، بندہ خدا ہوں

بھیجا زین الملوک کا ہوں

گستاخی معاف، آپ آئے

بن گھیر لیا، مکاں بنائے

بہکا کے بسائے مردم شہر

حضرت کا بڑا ہے آپ پر قہر

دعویٰ یہ ہے، یاں زمیں دابی

آبادی میں آئی ہے خرابی

خیر، اب بھی رفع شر جو چاہو

سر آنکھوں سے چل کے جبہہ سا ہو

بولا وہ کہ فتنہ گر نہیں ہم

شرجن سے ہو، وہ بشر نہیں ہم

درویشی میں دل کے بادشا ہیں

مسند کے تکیے پر گدا ہیں

دستور کہ عرض کر چکا تھا

مثل دل بد گماں رکا تھا

بولا: چلو صلح درمیاں ہو

باہم مہ و مہر کا قراں ہو

بولا وہ: فقیر کی بلا جائے

مشتاق جو ہو، وہ شوق سے آئے

بولا وہ کہ خیر، تابہ فردا

اٹھ جائے گا درمیاں سے پردا

یہ کہہ کے پھرا وزیر، آیا

پہنچا تو وہ شہر خالی پایا

شہ زادہ و شہ محل میں تھے واں

بر ہم زدہ بزم کے چراغاں

شہ نے جو وزیر آتے دیکھا

فرخ، فرخ پکار اٹھا

سلطاں کے نثار ہو کے دستور

بولا کہ بلاے شاہ ہو دور!

دیکھ آیا میں وہ مکان یاقوت

ہے معدن لعل و کان یاقوت

تختہ ہے زمردیں کہ مینو!

گلشن ہے جواہریں کہ جادو!

نقشہ کہوں کیا، نگار خانہ!

جادو کا تمام کار خانہ!

دیووں کی بنائی ہے وہ بنیاد

رہنے والے ہیں آدمی زاد

واں صاحب تاج و تخت جو ہے

درویش ہے، شاہ نام کو ہے

دیو اس کے عمل میں آگئے ہیں

جادو کے محل بنا گئے ہیں

کل آپ بھی چل کے کیجئے سیر

وعدہ کر آیا ہوں، کہا: خیر

بھید کھلنا چھپے ہوؤں کا ایک ایک پر

اب خامے سے وا شگاف یوں ہے

دل ملنے کی راہ صاف یوں ہے

فرخ جو گیا، تو شاہ زادہ

سوچا کہ ہوں ٹھاٹھ کل زیادہ

رکھا آتش پہ دوسرا بال

حاضر ہوئی دیونی قوی بال

دعوت کی اسے خبر سنائی

دیووں کے رخ اس نے آنکھ اٹھائی

ہم چشموں نے چتون اس کی تاڑی

پلکوں سے زمین بن کی جھاڑی

غولوں سے بھرا جو تھا بیاباں

پھولوں سے بنا دیا خیاباں

صناعی انھوں نے رات بھر کی

مشتاق نے واں وہ شب سحر کی

بجتے ہی گجر وہ شاہ ذی جاہ

چاروں شہ زادے لے کے ہمراہ

جو جو امرا تھے، سب بلا کے

فرخ کو خواصی میں بٹھا کے

مشرق سے رواں ہوا دلاور

جس طرح افق سے شاہ خاور

بجلی سے جو زرق برق آئے

فرش، ابر کی طرح بچھتے پائے

دیکھا تو تمام دشت گلزار

دائیں بائیں دورستہ بازار

شہ کہتے تھے: دشت پر خسک تھا

فرخ کہتا تھا: کل تلک تھا

غافل تھے کہ سبز باغ ہے یہ

اپنے ہی جگر کا داغ ہے یہ

تجویز رہے تھے سب کے سب دنگ

جادو، افسوں، طلسم، نیرنگ

کیا لشکر اور کیا شہنشاہ

سناٹے میں تھے کہ اللہ اللہ!

دیکھے جو جواہرات کے ڈھیر

سب من کی ہوس سے ہو گئے سیر

شہ زادے نے آمد ان کی پائی

کی تادر خانہ پیشوائی

دونوں میں ہوئیں جو چار آنکھیں

دولت کی کھلی ہزار آنکھیں

ایوان جواہریں میں آئے

الماس کی شبہ نشیں میں آئے

وہ چتر کے زیر سایہ بیٹھے

افسر سب پایہ پایہ بیٹھے

جو جو کہ تو اضعات ہیں عام

لے آئے خواص نازک اندام

چکنی ڈلی، عطر، الائچی، پان

نقل و مے و جام و خوان انوان

رغبت سے انہیں کھلا پلا کے

بولا شہ زادہ مسکرا کے

اس تاج شہی میں کے نگیں ہیں؟

کے نام و نشان دل نشیں ہیں؟

سلطاں نے کہا بہ صد لطافت

یہ چار ہیں عنصر خلافت

ایک اور ہوا تھا قابل خشم

وہ نور بصر، تھا دشمن چشم

جب لائے یہ گل بکاولی کا

نکلا تب خار روشنی کا

پوچھا اس نے: وہ اب کدھر ہے؟

سلطاں نے کہا کہ کیا خبر ہے!

ایک ان میں سے چشم آشنا تھا

کو کہ اسی شاہ زادے کا تھا

بولا کہ حضور ادھر تو دیکھیں

دیکھا، تو کہا: مری نظر میں

صورت وہی، رنگ رو وہی ہے

لہجہ وہی، گفتگو وہی ہے

یہ سنتے ہی، اس نے خندہ کر کے

سر، پاؤں پہ رکھ دیا پدر کے

سر، قدموں سے شاہ نے اٹھایا

فرزند کو چھاتی سے لگایا

لے لے کے بلائیں کاکلوں کی

پیشانی چومی، پیٹھ ٹھونکی

عرض اس نے کیا کہ دو پرستار

پا بوسی شہ کی ہیں طلب گار

حضرت نے کہا: بلائیے خیر

اٹھ جائیں، جو بیٹھے ہوں یہاں غیر

شہ زادے نے اک مکاں بتایا

ایک ایک اٹھا، ادھر کو آیا

سب اٹھ گئے، پر وہ چاروں باغی

بیٹھے رہے فرش گل پہ داغی

شہ زادہ اٹھا، محل میں آیا

پردے تلک ان کو ساتھ لایا

دلبر سے کہا: میں جب کہوں، آؤ

تو کہیو، یہ چاروں داغی اٹھواؤ

درپردہ سکھا کے، باہر آیا

بے پردہ حضور شہ بلایا

دلبر نے کہا: لجاؤں گی میں

قربان گئی، نہ آؤں گی میں

اٹھ جائیں یہ چاروں سست بنیاد

داغے ہوئے ہیں غلام، آزاد

چاروں کا، جو سنتے ہی، اڑا رنگ

یک بار گی شاہ ہوگیا دنگ

دکھلائی دیے جو بیٹے بے رخ

دیکھا تاج الملوک کے رخ

یاں دل پہ تھے داغ، واں سریں پر

یاں نام پہ حرف، واں نگیں پر

وہ جعل، وہ ہار، وہ غلامی

وہ گھات، وہ جیتنا تمامی

وہ دسترس اور وہ پائے مردی

وہ بے کسی اور وہ دشت گردی

وہ دیو کی بھوک اور وہ تقریر

وہ حلوے کی چاٹ اور وہ تحریر

وہ سعی، وہ دیونی کی صحبت

محمودہ کی وہ آدمیت

تجویز کے وہ سرنگ کی راہ

اور موش دوانیاں وہ دل خواہ

وہ سیر چمن، وہ پھول لینا

وہ عزم وطن، وہ داغ دینا

وہ کور کے حق میں خضر ہونا

وہ غولوں سے مل کے پھول کھونا

وہ بال کو آگ کا دکھانا

وعدے پہ وہ دیونی کا آنا

وہ نزہت گلشن نگاریں

وہ دعوت بادشا، وہ تمکیں

گزرا تھا جو کچھ، بیاں کیا سب

پنہاں تھا جو کچھ، عیاں کیا سب

انگشتری پری دکھا کر

کھلوئی سریں کی مہر محضر

پہلے تو بہت وہ منہ چڑھے ڈھیٹھ

آخر داغی دکھا گئے پیٹھ

اٹھوا کے انہیں، وہ دو خوشی آئیں

پا بوسی شہ کو سر سے آئیں

حضرت نے سمجھ کے حسن خدمت

دونوں کو دیے خطاب و خلعت

نذریں ان دونوں نے دکھائیں

رخصت ہو کر محل میں آئیں

مسند سے شہ اٹھ کے بے محابا

بولا بیٹے سے: جان بابا!

روشن کیا دیدہ ٔپدر کو

مادر کے بھی چل کے آنسو پوچھو

مشتاق کو روبہ راہ پایا

ہمراہ اسے تابہ خانہ لایا

ماں نے دیکھا جو وہ دلاور

اشکوں کے گہر کیے نچھاور

وہ طفل بھی گر پڑا قدم پر

مانند سر شک چشم مادر

ہر خویش ویگانہ سے ملا وہ

پھر اپنی جگہ پہ آگیا وہ

غائب ہو جانا فرخ یعنی بکاولی کا اور بلوانا تاج الملوک

کو گلشن نگاریں سے اور متفق ہو کر گلزار ارم میں رہنا

کھلنے پہ جو ہے طلسم تقدیر

اب خامے نے یو کیا ہے تحریر

فرخ، وہ بادشا کا دستور

یعنی وہ بکاولی مستور

مطلوب کا سن سمجھ کے سب حال

چاہی کہ نکالے کچھ پر وبال

سوچی کو دلا! شتاب کیا ہے

پھر سمجھیں گے، اضطراب کیا ہے

اس وضع کا پاس کر گئی وہ

تغیر لباس کر گئی وہ

فرخ کہنے تک آدمی تھی

پھر وہ ہی بکاولی پری تھی

غربت سے چلی، وطن میں آئی

صحرا سے اڑی، چمن میں آئی

پژ مردہ خواصوں پڑی جان

صدقے ہوئی کوئی، کوئی قربان

اس غنچے میں اک سمن پری تھی

وہ ہم نفس بکاولی تھی

بولی: کہو کیا کیا، کہا: خوب

بے کچھ کیے پھر بھی آئی، کیا خوب!

مانگا کاغذ، دوات، خامہ

لکھا گل چیں کے نام نامہ

اے یوسف چشم زخم یعقوب!

وے رشک برادران منکوب!

اے دل بر دلبرد غل باز!

وے دیو سوار عرش پرواز!

اے آب تہ زمین نیرنگ!

وے نقب دوان باغ گل رنگ!

اے پردہ کشاے بے حجابی!

وے دزد حناے دست یابی!

اے رہ رو رو بہ رہ نہادہ!

وے صر صر گل بہ باد دادہ!

اے بے سر و برگ گلشن آرا!

وے لعل نماے سنگ خارا!

اے بے خبر طلسم صورت!

وے بے بصر رخ ضرورت!

اے باعث عزم میہمانی!

وے صاحب بزم میزبانی!

اے آئنہ دار خود نمائی!

وے سرمہ چشم آشنائی!

اے پردہ کشاے روے پنہاں!

وے داغ نماے پشت اخواں!

تو باغ ارم سے لے گیا گل

تو مجھ سی پری کو دے گیا جل

بے رخ ترے واسطے ہوئی میں

فرخ ترے واسطے ہوئی میں

تجھ کو ترے باپ سے ملایا

مجھ کو یہ ملا کہ تجھ کو پایا

جو جو اسرار تھے نہانی

سب تجھ سے سنے تری زبانی

کیا لطف جو غیر پردہ کھولے

جادو ہو جو سر پہ چڑھ کے بولے

چاہا تھا، کروں سرے سے پامال

کر شکر، سمجھ کہ تھا خوش اقبال

کیا کہیے کہ صورت اور کچھ تھی

وقت اور، ضرورت اور کچھ تھی

اب تک ہیں وہ خارجی کے جی میں

جلد آ کہ ہے مصلحت اسی میں

آئے گا، تو در گذر کروں گی

ورنہ میں بہت ساشر کروں گی

داغوں پہ دیے ہیں داغ تو نے

دکھلائے ہیں سبز باغ تو نے

کانٹوں میں اگر نہ ہو الجھنا

تھوڑا لکھا بہت سمجھنا

پھر خط کی نہ ہو امیدواری

القط ہے قلم کی دوست واری

یہ لکھ کے، کہا سمن پری کو

چالاک ہے تو ہی قاصدی کو

یہ خط، یہ انگوٹھی لے، ابھی جا

پورب کی سمت کو چلی جا

رستے میں ہے گلشن نگاریں

رہتا ہے وہیں مرا وہ گل چیں

خاتم کے نشاں سے نامہ دیجو

ٹھہری رہیو، جواب لیجو

خط، خاتم لے کے وہ ہوائی

پتا ہوئی اور پتے پہ آئی

وہ باغ کہ تھا جواہر آگیں

ثابت ہوا گلشن نگاریں

وہ آدم حوروش، پری رو

یعنی تاج الملوک خوش خو

گل گشت میں تھا کسی روش پر

محمودہ دائیں، بائیں دلبر

قاصد نے جو رخ پری دکھایا

دھیان اس کو بکاولی کا آیا

پہچانتے ہی نگین خاتم

بے شبہ ہوا یقیں کا عالم

پر تو پہ وہ یوں چلا تڑپ کے

انگارے پہ جیسے کبک لپکے

دھوکا تھا فقط بکاولی کا

قاصد نے دیا وہ خط پری کا

گو سرمہ خموشی نے کھلایا

تحریر کو آنکھوں سے لگایا

قاصد سے کلام لطف بولا

خط صورت چشم شوق کھولا

وہ نامہ کہ عنبریں رقم تھا

قسمت کا نوشتہ یک قلم تھا

تحریر تھی سر گذشت ساری

کچھ یاس تھی، کچھ امیدواری

منگوا کے وہیں دوات و خامہ

تحریر کیا جواب نامہ

اے شاہ ارم کی دخت گل فام!

فرخ لقب و بکاولی نام

اس نام کے، اس لقب کے صدقے

اس نامے کے، اس طلب کے صدقے

میں نے جو غرض سے جی چرایا

تو نے کیوں آ کے منہ چھپایا؟

میری جو بدی ہوئی تھی کچھ یوں

تو نیک ہے، بے ملے گئی کیوں؟

تو جائے، تو کیوں نہ آئے افسوس

افسوس، افسوس، ہاے افسوس!

تقدیر پھری، پھری نہیں تو،

امید گئی، گئی نہیں تو

اے کاش! میں کچھ بھی سانس پاتا

جی کھول کے داغ دل دکھاتا

معلوم تو ہے کہ شوق کیا تھا

جو کھینچ کے یاں سے لے گیا تھا

اب مجھ میں وہ دم اجی کہاں ہے

وہ دل، وہ جگر، وہ جی کہاں ہے

مر جاؤں اگر طلب میں تیری

میں کیا، کہ خبر نہ پہنچے میری

قابل واں آنے کے کہاں ہوں

یاں بھی جو رہا، تو نیم جاں ہوں

تجھ سے میری خاطر اب کہاں جمع

تو نشتر شعلہ، میں رگ شمع

تو برق دماں، میں خرمن خار

تو سیل رواں، میں خستہ دیوار

تو جوشش یم، میں مور بے پر

میں نقش قدم، تو باد صرصر

دھڑکا ہے یہی، تو جان دوں گا

مرجاؤں گا، اب نہ میں جیوں گا

ہو تجھ سی پری جو خصم جانی

انساں کی ہے مرگ، زندگانی

منظور جو ہو حیات میری

تو مان لے ایک بات میری

حمالہ کو بھیج، آ کے لے جائے

شاید مجھے زندہ پا کے پہنچائے

بھیجا نہ اسے، تو جان لینا

آسان ہے یاں بھی جان دینا

یہ لکھ کے، جو خط سے ہاتھ اٹھایا

قاصد نے لیا جو اب، لایا

مطلوب کا خط وہ پڑھ رہی تھی

دیکھا تو وہ دیونی کھڑی تھی

پوچھا کہ اری! تجھے خبر ہے

گل چیں مرا کون سا بشر ہے؟

وہ صدقے ہوئی، کہا: بلا لوں

بے دیکھے کسی کا نام کیا لوں!

یہ سن کے، وہ شعلہ، ہو بھبوکا

بولی کہ تجھے لگاؤں لوکا

تیرا ہی تو ہے فساد مردار!

داماد کو گل دیا، مجھے خار

گل نقب کی راہ لے گیا چور

زندہ کروں اس موئے کو درگور

حمالہ! جلی ہوں، کیا کہوں میں

داماد کو لا، تو ٹھنڈی ہوں میں

آگاہی جو دیونی نے پائی

بگڑی ہوئی بات یوں بنائی

محمودہ ہے کنیز زادی

انساں سے ہوئی ہے اس کی شا

har shakh mein hai shagufa kari

samara hai qalam ka hamd bari

karta hai ye do zaban se yaksar

hamd-e-haq-o-midhat-e-payambar

panch ungliyon mein ye harf zan hai

yaani ke muti panj tan hai

khatm us pe hui sukhan parasti

karta hai zaban ki pesh dasti

khwastgari janab-e-bari se masnawi gulzar nasim ki tartib ke waste

yarab! mere khame ko zaban de

minqar hazar dastan de

afsana gul bakawali ka

afsun ho bahar ashiqi ka

har chand suna gaya hai us ko

urdu ki zaban mein sukhan go

wo nasr hai, dad nazm dun main

is mai ko do atisha karun main

har chand agle jo ahl-e-fan the

sultan qalamrausukhan the

age un ke farogh pana:

suraj ko charagh hai dikhana

par, ijz sukhan sada hai baqi

dariya nahin kar band-e-saqi

taane se zaban-e-nukta chin rok

rakh le miri ahl-e-khama mein nok

khubi se kare dilon ko taskhir

nairang-e-nasim-e-bagh-e-kashmir

nuqte, hun sapnad khush bayani

jadwal, ho hisar-e-bahr khwani

jo nukta likhun kahin na harf ae

markaz pe kashish miri pahunch jae

rudad zaman-e-pastani

yun naql hai khame ki zabani

purab mein ek tha shahanshah

sultan zain almuluk zi jah

lashkar kash-o-taj dar tha wo

dushman kash-o-shahr-e-yar tha wo

khaliq ne diye the char farzand

dana, aqil, zaki, khiradmand

naqsha ek aur ne jamaya

pas manda ka pesh khema aya

ummid ke nakhl ne diya bar

khurshid hamal hua numudar

wo nur ke sadqe mehranwar

wo rukh ke na thahre ankh jis par

nur ankh ka kahte hain pisar ko

chashmak thi nasib is pidar ko

khush hote hi tifl-e-mah jabin se

sabit ye hua sitara bin se

pyara ye wo hai ke dekh usi ko

phir dekh na sakiyega kisi ko

nazron se gira wo tifl-e-abtar

manind-e-sar shak dida-e-tar

parde se na daya ne nikala

putli sa nigah rakh ke pala

tha afsar khasarwan wo gul fam

pala, taj almuluk rakh nam

jab nam-e-khuda jawan hua wo

manind-e-nazarwan hua wo

ata tha shikar gah se shah

nazzara kiya pidarne nagah

sad ankhon ke dekh ke pisar ki

binai ke chehre par nazar ki

mehr-e-lab shah hui khamoshi

ki nur-e-basar se chashmak poshi

di ankh jo shah ne runumai

chashmak se na bhaiyon ke bhai

har chand ke badshah ne tala

us mah ko shahr se nikala

ghar yahi zikr tha yahi shor

kharij hua nur-e-dida kor

aya koi le ke nuskha nur

laya koi jake surma-e-tur

taqdir se chal saka na kuchh zor

bena na hua wo dida kor

hota hai wahi khuda jo chahe

mukhtar hai, jis tarah naba hai

paya jo safed chashm-e-safha

yun mel-e-qalam ne surma khincha

tha ik kahal pir-e-deren

isa ki thin us ne ankhen dekhen

wo mard-e-khuda bahut kiraha

sultan se mila, kaha ke shaha!

hai bagh bakawali mein ik gul

palkon se usi pe mar changul

khurshid mein ye ziya kiran ki

hai mehr gaya isi chaman ki

us ne to gul iram bataya

logon ko shagufa hath aya

shah zade hue wo charon tayyar

rukhsat kiye shah ne char nachar

shahana chale wo le ke hamrah

lashkar, asbab, kheme, khargah

wo badiya gard-e-khana barbad

yaani taj almuluk nashad

maidan mein khak ura raha tha

dekha to wo lashkar arha tha

puchha tum log khail ke khail

jate ho kidhar ko surat-e-sail?

bola lashkar ka ik sipahi

jati hai iram ko fauj shahi

sultan zain almuluk shah zor

didar pisar se hogaya kor

manzur ilaj-e-raushni hai

matlub-e-gul bakawali hai

gul ki jo khabar sunai us ne

gulshan ki hawa samai us ko

hamrah kisi lashkari ke hokar

qismat pe chala ye nek akhtar

ghulam hona charon shah zadon ka chausar khel kar dilbar beswa se

nuqton se qalam ki mehr h bazi

yun lati hai rang-e-bad tarazi

yak chand phira kya wo amboh

sahra sahra-o-koh dar koh

bulbul hue sab hazar ji se

gul ka na pata laga kisi se

warid hue ek jagah sar-e-sham

firdaus tha us maqam ka nam

ik nahr thi shahr ke barabar

thitke sayyare kahkashan par

ik bagh tha nahr ke kinare

joya-e-gul is taraf sidhare

dilbar nam ek beswa thi

us mah ki wan mahal sara thi

darwaze se fasle pe ghar tha

naqqara chau badar dar tha

be ja-o-baja na samjhe un jan

naqqara baja ke thahre nadan

awaz pe wo lagi hui thi

ap an ke thath dekhti thi

jis shakhs ko mal dar pati

bahar se use laga ke lati

bithla ke, juwe ka zikr utha kar

chausar mein wo lautti sarasar

jit us ki thi, hath jo kuchh ata

us ka koi hatkhanda na pata

billi ka sar charagh dan tha

chuha pase ka pasban tha

ulatite uri pe, qismat asa

billi, jo diya mosh, pasa

jite hue bande the hazaron

qismat ne phansae ye bhi charon

sayyadni lai phans kar said

kursi pe bithae naqsh-e-ummid

ghaten huin dil rubaiyon ki

baten huin ashanaiyon ki

rang us ka jama, to la ke chausar

kheli wo khulur bazi bad kar

wo chhut pe thi, ye mel samjhe

bazi chausar ki khel samjhe

maghrur the mal-o-zar pe khele

saman hare to sar pe khele

badbakhti se akhir jawa tha

banda hona bada hua tha

do hath mein charon us ne laute

panche mein phanse to chhake chhote

ek ek se rat bhar na chhota

pauphatte hi jag un ka tuta

zindan ko chale machal machal kar

nardon ki tarah phire na chal kar

lashkar mein se jogiya su-e-shahr

pani sa phira na janib-e-nahr

jitna taj almuluk ka dilbar beswa ko aur chhor kar rawana hona talash-e-gul bakawali mein

lana zar-e-gul jo hai iram se

yun safhe se naqsh hai qalam se

wo reg-e-rawan ka gard lashkar

yaani taj almuluk abtar

hairan hua ke ya ilahi!

lashkar pe ye kya pari tabahi

utha ke khabar to lije chal kar

guzra dar bagh beswa par

hairan tha ye buland paya

nikli andar se ek daya

larka koi gho gaya tha us ka

ham shakl ye mah liqa tha us ka

boli wo ke nam kya hai tera

farzand isi shakl ka tha mera

bola wo ke nam to nahin yad

tifli mein hua hun khana barbad

lekin ye main janta hun dil gir

madar thi miri bhi aisi hi pir

beta wo samajh ke ji se us ko

ghar lai hansi khushi se us ko

chalte the idhar se do jawari

ek ek ki kar raha tha khwari

kahte the: fareb-e-doge kya tum

shah zade na ham, na beswa tum

zikr apne baradaron ka sun kar

bola wo aziz, sun to madar!

kaun aisi khulur beswa hai

shah zadon ko jis ne zich kiya hai?

boli wo ke han jua hai badkam

dilbar ik beswa hai khud kam

billi pe charagh rakh keshab ko

chausar mein wo lautti hai sab ko

pase ki hai kal charagh ke sath

wo billi ke sar, ye chuhe ke hath

shah zade kahin ke the bad iqbal

bande hue, har kar zar-o-mal

bhai, josh-e-khun kahan jae

sadma hua, dard se kaha hae!

pase ka, charagh ka ulat pher

sujha na anhen, ye dekho andher

socha wo ke ab to ham hain agah

jite hain, to jit lenge nagah

ik billi jhapti chuhe ko bhanp

newle te bhagga diya dikha sanp

samjha wo ke hai shugun nirala

newla pakar astin mein pala

chausar hi ke sikhne ko aksar

ghuma wo ba rang nard ghar ghar

ik roz use mil gaya amir ek

wo sahab-e-jah dil se tha nek

ashraf sajamh ke le gaya ghar

bakhsha use asp-o-jama-o-zar

us gul ke hath mein jo zar aya

jan bazi ko siwe dilbar aya

milti thi khulur danke ki chot

naqqara-o-chob mein chali chot

awaz wo sun ke dar par ai

hamrah use le ke andar ai

kam us ka tha bas ke khel khana

chausar ka jama wo karkhana

wo chashm-o-charagh beswa ke

karne lage tak jhank a ke

newla, ke wo mar-e-astin tha

chutki ke bajate hi wahin tha

billi to charagh pa thi khamosh

bal ho gaya mosh ko faramosh

hans hans ke harif ne rulaya

manind-e-charagh use jalaya

bare ba hazar baddimaghi

li khizr ne ghaul se charaghi

pa se chali na jual sazi

ujri wo, basa basa ke bazi

sab har ke naqd-o-jins, bare

jite hue bande bad ke hare

buniyad jo kuchh thi, jab ganwai

tab khud wo khulur, mohre ai

phir pase ki na pas dari

himmat ki tarah wo dil se hari

pase ki badi hai ashkara

rajanal saltanat hi hara

dana to kare kab is taraf mel

hara hai juwe ke nam se bel

hare, dekha jo beswa ne

banda kiya ghair ka khuda ne

sochi ke na ab bhi chal rahiye

shadi ka maza nikal rahiye

boli na hazar ijz-o-zari

tum jite miyan mein tum se hari

laundi hun, nahin udul mujh ko

khidmat mein karo qubul mujh ko

bola wo ke sun, ye hatkhunde chhor

naqqara dar ko chob se tor

ye mal, ye zar, ye jite bande

yun hi yahin rakh bajnas chande

bilfel iram ko jate hain ham

insha allah ate hain ham

boli wo. suno to banda parwar!

gulzar-e-iram hai pariyon ka ghar

insan-o-pari ka samna kya!

mutthi mein hawa ka tha mana kya!

shah zada hansa, kaha ke dilbar!

kuchh bat nahin, jo rakhiye dil par

insan ki aql agar na ho gum

hai chashm-e-pari mein jae mardum

ye kah ke utha, kaha ke lo jan!

jate hain, kaha: khuda nigah ban!

daulat thi agar cha ikhtiyari

pa mardi se us pe lat mari

juz jeb, na mal par para hath

juz saya, na koi bhi liya sath

darwesh tha banda-e-khuda wo

allah ke nam par chala ho

pahunchna taj almuluk ka surang khadwakar bagh bakawali mein aur gul le kar phirna

karta hai jo tai sawad-e-nama

yun harf, hain naqsh-e-pae khama

wo daman-e-dasht-e-shauq ka khar

yaani taj almuluk dil zar

ik jangle mein ja para jahan gard

sahra-e-adam bhi tha jahan, giro

saye ko pata na tha shajar ka

anqa tha, nam janwar ka

murghan hua the hosh rahi

naqsh-e-kaf pa the reg-e-mahi

wo dasht ke jis mein par tag-o-do

ya reg-e-rawan thi ya wo rah ro

danda tha iram ke badshah ka

ik dew tha pasban bala ka

dant us ke: gor kin qaza ke

do nathne: rah adam ke nake

sar par paya bala ko us ne

taslim kiya qaza ko us ne

bhuka kai din ka tha wo napak

faqon se raha tha phank kar khak

be resha ye tifl-e-naujawan tha

halwa be dud be guman tha

bola ke chhakun gahen ye insan

allah allah! shukr, ehsan!

shah zada ke munh mein tha ajal ke

andeshe se rah gaya duhul ke

pal marne ki hui jo deri

subhan allah shan teri!

ashtar kai jate the idhar se

par ardo roghan-o-shakar se

wo dew-e-lapak ke mar laya

gharrate hue shikar laya

unton ki jo lo thin dew laya

dam us ka na us ghari samaya

tewra ke wahin wo bar bar dosh

baitha to gira, gira to be hosh

chaha us ne ke mar dalo

ya bhag sako to rasta lo

wo unt the karawaniyon ke

sab thath the mehaniyon ke

maida bhi, shakar bhi, ghi bhi paya

khatir mein ye is bashar ki aya

mitha is dew ko khilao

gur se jo mire, to zahr kyun do

halwe ki paka ke ik karhai

shirini-e-dew ko charhai

har chand ke tha wo dew-e-karwa

halwe se kiya munh us ka mitha

kahne laga: kya maza hai dil khwah!

ai admi zad wah wa wah!

chiz achchhi khilai tu ne mujh ko

kya us ke ewaz mein dun main tujh ko

bola wo ke pahle qaul dije

phir jo main kahun, qubul kije

wo hath par us ke mar kar hath

bola ke hai qaul jan ke sath

bola wo ke qaul agar yahi hai

bad ahdi ki par nahin sahi hai

gulzar-e-iram ki hai mujhe dhun

bola wo: are bashar wo gulban!

khurshid ke ham nazar nahin hai

andeshe ka wan guzar nahin hai

wan mauj hua: hua pe azhdar

wan reg zamin: zamin pe akhgar

hota na jo qaul ka sahara

bachatana yahin to khair, hara

rah ja, mera bhai ek hai aur

shayad kuchh us se ban pare tur

ik tikare par gaya, bulaya

wo misl-e-sada-e-koh aya

hal us se kaha ke qaul hara

hai pir, ye naujawan hamara

mushtaq iram ki sair ka hai

koshish karo, kam khair ka hai

hamala nam dewni ek

chhoti bahan us ki thi bari nek

khat us ko likha ba ain ibarat

ai khwahar mehrban! salamat

pyara hai ye mera admi zad

rakhiyo use, jis tarah miri yad

insan hai, chahe kuchh jo sazish

mehman hai, kijiyo nawazish

khat le ke, bashar ko le ura dew

pahuncha hamala pas-e-be rew

bhai ka jo khat bahan ne paya

bheje hue ko gale lagaya

is dewni pas ik hasin thi

zambur ke ghar mein angbin thi

mahmuda nam, dukht-e-adam

le ai thi dewni de ke dam

jora ham jins ke hath aya

mahmuda ke gale lagaya

din bhar to alag thalag hi the wo

do waqt se sham ko mile wo

the zabt-o-haya ke imtihan mein

parda raha mah mein, katan mein

apas mein khule na sharm se wo

khatir ki tarah girah rahe wo

bola wo fasurda dil sahar gah

kya sard hua hai wah wa wah!

boli wo ke hone ko hua hai

jo ghunche ko gul kare, saba hai

bola wo, yahi to chahta hun

gul paon, to main abhi hua hun

pairahan-e-gul ki bu, thi matlub

yusuf ne kaha wo hal-e-yaaqub

awwal kahi bad nigahi apni

baad us ke wo sab tabahi apni

kholi thi zaban munh andhere

kahte sunte uthe sawere

puchha hamala ne: meri jan!

ham jins mila, nikale arman

boli wo ke kahte ati hai sharm

dil sard raha, baghal hui garm

nakami ke jab wo tur samjhi

wahm us ko hua, kuchh aur samjhi

puchha ke bata to dard, lekin

tum chaho, to hai dawa bhi mumkin

wo boli: jo tu kahe zaban se

tare le aun asman se

chehre ko chhupa ke zer-e-chadar

mahmuda ne kaha ke madar!

bap us ka hai andhe pan se majhul

matlub bakawali ka hai phul

dil dagh us ka barae gul hai

nargis ke liye hoai gul hai

sai thi ba dil ye kahne wali

rah us ne surang ki nikali

dewon kaha ke chuhe ban jao

ta bagh-e-iram surang pahunchao

sun hajat naqb bahr-e-gul gasht

katra chuhon ne daman-e-dasht

poshida zamin ke dil mein ki rah

had bandh ke, khush phire isi rah

jab mehr-e-tah zamin samaya

is naqb ki rah wo adam aya

sehn-e-chaman iram mein ik ja

buta sa tah-e-zamin se nikla

khatka jo nigah banon ka tha

dharka yahi dil ka kah raha tha

goshe mein koi laga na howe!

khosha koi takta na howe!

go bagh ke pasban ghazab the

khwabida ba rang-e-sabza sab the

nargis ki khuli na ankh yak chand

so sun ki zaban khudane ki band

khush qadar wo chala gul wo saman mein

shamshad rawan hua chaman mein

aiwan-e-bakawali jidhar tha

hauz aina dar-e-bam-o-dar tha

rakhta tha wo ab se siwa tab

chande khurshid, chande mahtab

phul us ka, andhe ki dawa tha

rashk-e-jam-e-jahan numa tha

pani ke jo bulbulon mein tha gul

pahuncha lab hauz se na changul

poshak utar, utar ke laya

phula na wo jame mein samaya

gul le ke barha ayagh barkaf

chori se chala charagh-e-barkaf

bala dari wan jo sote ki thi

so khwab gah bakawali thi

gol us ke sutun: the said-e-hur

chilman: mizhgan-e-chashm-e-makhmur

dikhlata tha wo makan-e-jadu

mehrab se, darse chashm-o-abru

parda jo hijab sa uthaya

aram mein us pari ko paya

band us ki wo chashm-e-nargisi thi

chhati kuchh kuchh khuli hui thi

simti thi jo mahram is qamar ki

burjon pe se chandni thi sar ki

lipte the jo bal karwaton mein

bal kha gai thi kamar, laton mein

chaha ke bala gale lagae

sote hue fitne ko jagae

socha ke ye zulf kaf mein leni

hai sanp ke munh mein ungli deni

ye phul, unhi azhdahon ka hai man

ye kale, charagh ke hain dushman

gul chhin ke, hansi na hue balkal

khanda na ho barq-e-hasil-e-gul

phir samjhenge, hai jo zindagani

kuchh nam ko rakh chalo nishani

angushtari apni us se badli

mehr khat ashiqi sundili

ahista phir wo sar-o-bala

saya bhi na us pari pe dala

haibat sa zamin ke dil mein aya

andeshe ki tarah se samaya

jab naqb ufuq se mehr-e-taban

nikla, to wo mah rawishtaban

gul hath mein misl-e-dast-e-insan

donon thin us ki muntazirwan

gul le ke jab amla wo gul chin

is naqb ki rakhna bandiyan kin

awara hona bakawali ka taj almuluk gul chin ki talash mein

gul ka jo alam chaman chaman hai

yun bulbul khama naara zan hai

kal chin ne wo phul jab uraya

aur ghuncha subh khul khilaya

wo sabza bagh khwab-e-aram

yaani wo bakawali gul andam

jagi murgh-e-sahar ke ghul se

uthi nikhat si farsh-e-gul se

munh dhone jo ankh milti ai

purab wo chashm-e-hauz pai

dekha, to wo gul hua hua hai

kuchh aur hi gul khula hua hai

ghabrai ke hain! kidhar gaya gul!

jhunjalai ke kaun de gaya jal

hai hai mira phul le gaya kaun!

hai hai mujhe khar de gaya kaun

hath us pe agar para nahin hai

bu ho ke to phul ura nahin hai

nargis! to dikha kidhar gaya gul?

sosan! to bata kidhar gaya gul?

sumbul! mira taziyana lana

shamshad! unhen suli par charhana

tharraen khawasen surat-e-baid

ek ek se puchhne lagi bhed

nargis ne nigah baziyan kin

sosan ne zaban daraziyan kin

patta bhi patte ko jab na paya

kahne lagen: kya hua khudaya!

apnon mein se phul le gaya kaun

begana tha sabze ko siwa kaun!

shabnam ke siwa churane wala

upar ka tha kaun ane wala

jis kaf mein wo gul ho, dagh ho jae

jis ghar mein ho, gul charagh ho jae

boli wo bakawali ke afsos!

ghaflat se ye phul par pari os

ankhon se aziz gul mira tha

putli wahi chashm hauz ka tha

nam us ka saba! na leti thi main

us gul ko hua na deti thi main

gul chin ka jo hae hath tuta

ghunche ke bhi munh se kuchh na phuta

okhar! para na tera changul

mushkin kis len na tu ne sumbul!

o bad-e-saba! hua na batla

khush bu hi singha, pata na batla

bulbul! to chahak, agar khabar hai

gul! tu hi mahak, bata kidhar hai?

larzan thi zamin ye dekh kohram

thi sabze se rast mu bar andam

ungli lab jo pe rakh ke shamshad

tha dam ba khud, us ki sun ke fariyad

jo nakhl tha, soch mein khara tha

jo barg tha, hath mal raha tha

rang us ka arz laga badalne

gul barg se kaf lagi ho milne

badle ki anguthi dhili pai

dast awez us ke hath ai

khatam, thi nam ki nishani

insan ki dast bard jani

hathon ko mila, kaha ke hehat!

khatam bhi badal gaya hai badzat

jis ne mujhe hath hai lagaya

wo hath lage kahin khudaya!

uryan mujhe dekh kar gaya hai

khal us ki jo khinche, saza hai

ye kah ke, junun mein ghazab nak

khun roi, libas ko kiya chak

gul ka sa lahu bhara gareban

sabze ka sa tar tar-e-daman

dikhla ke kaha saman pari ko

ab chain kahan bakawali ko

thi bas ke ghubar se bhari wo

andhi si uthi, hua hui wo

kahti thi pari ke urke jati

gul chin ka kahin pata lagati

har bagh mein phulti phiri wo

har shakh pe jhulti phiri wo

jis takhte mein misl-e-bad jati

is rang ke gul ki bu na pati

be waqt kisi ko kuchh mila hai!

patta kahin hukm ban hila hai!

pahunchna taj almuluk ka ek andhe faqir ke takiye par aur azmana gul ka

phir na jo watan ka, muddaa hai

ab safhe pe yu n qalam phira hai

wo gulshan muddaa ka gul chin

yaani taj almuluk haq bin

jis waqt-e-gul is chaman se laya

mahmuda khush hui ke aya

kahne lagi: lo murad pai

bola wo: jo yan se ho rihai

gul ki wo arz kar ashkara

joban ki tarah use ubhara

jab dew siyah shab se mahtab

rukhsat hua, jaise chashm se khwab

aur gul liye aftab-e-taban

hangam-e-sahar hua shitaban

wo mehr wash aur oh mah paikar

is dewni pas ate muztar

gul ki wo arz jatai us ko

rukhsat ki talab sunai us ko

kya kahti wo dewni, kaha: jao

dewon se kaha ke takht le ao

bole ke kidhar chaloge, kah do

firdaus ke rukh, kaha, idhar ko

wo mur ke, idhar ko urikke ae

gulzar mein beswa ke lae

waqt-e-sahar aur khunuk hua thi

gul gasht-e-chaman men beswa thi

char ankhen huin to thi shanasa

qadmon pe giri wo saya asa

sadqe ho kar kaha: khush ae

jis gul ki hawa lagi thi, lae?

hamrah ye kaun dusri hai?

saya hai ke ham qadam pari hai!

bola shah zada: shukr hai, han

par hai gul-e-arzu se daman

mahmuda nam ye jo hain sath

phul un ke sabab se agya hath

jita jo phira wo rashk-e-shamshad

qaidi kiye beswa ne azad

jhuton us ne tha un ko taya

sachchon, khoton ne dagh khaya

dagha, to chale tafang se wo

chhote qaid-e-farang se wo

chhora hawas-e-gul-o-chaman ko

charon daghi phire watan ko

bandon ko kashtiyon pe kar bar

saunpa sab nakhuda ko ghar bar

jab muttasil agya watan ke

khande yad ae mard-o-zan ke

socha ke main khud hun khana barbad

kya janiye kiya paregi uftad

lazim hai gul apne hath rakhiye

mauqaa nahin bhir sath rakhiye

langar ka unhen kiya ishara

khud kashti se kar gaya kinara

wo purbi, kar ke jo gaya bhes

jangle ki rah se chala des

takiye pe faqir, pir, andha

ik goshe mein ankhen mangta tha

tha naqsh-e-qadam sa khak-e-rah par

thahra wo musafir is jagah par

be tajriba thi namaish gul

wajib thi azmaesh gul

putli pe zar-e-gul azmaya

sone ko kasauti par charhaya

gul se huin chashm-e-kor taban

ho jaise charagh se charaghan

munh dekh ke us ne den duaen

panje se mizha ke len balaen

gul ke jo asarse shadman tha

gul chin wo hawa se ham inan tha

milna charon shah zadon ka aur chhin jana gul bakawali ka

taj almuluk se aur bina hona chashm-e-zain almuluk ka

hai bas ke ye charkh-e-jaur-e-pesha

yun khar-e-rah-e-qalam hai resha

ye ja ke, isi jagah pe nagah

apohnche wo charon ghaul gum rah

kahte the ke wah re muqaddar!

kis shak se phir ke jate hain ghar

kya rang zamane ne dikhae!

gul lene gae the, dagh lae

kis munh se pidar ke age jaen

kyun kar be phul munh dikhaen

thahrai ke aur phul le jaein

kahal ko be wuquf banaein

ik bad hawai tor kar phul

kahne lage phul phul kar ghaul

kya phul hai! kya asar hai is mein!

ho jati hain raushan andhi ankhen

wo kor ke ho chuka tha bina

dekha us ne jo ye qarina

bola ke ye gul, wo gul nahin hai

us phul ki aur gul zamin hai

wo jogi jo jate hain, agar aen

dikhlaen wo gul, to ankhen khul jaen

main kor, abhi ho chuka hun bina

andha nahin ab hua hun bina

charon ko thi hasrat-e-gul-e-tar

chau bai hawa ki tarah chal kar

is jogi ke jab barabar ae

baham kaha: dekho phul lae

gul hai ke ilaj-e-nur hai ye!

gul hai ke charagh-e-tur hai ye!

jogi, yaani wo shah zada

bola ke biko nahin ziyada

pate agar is darakht ki chhaon

rakhte hi na tum zamin par paon

ding ap ki sab fuzul hai ye

wo gul ye nahin, wo phul hai ye

ye kah ke, jo jeb se nikala

un muft buron ne hath dala

quwwat mein wo charthe, ye be kis

shorish mein wo char, mauj, ye khas

ghaulon ne ba zor phul uraya

is khizr ko rasta bataya

gul pane se bas ke surkh ru the

ghoron pe hawa ke misl-e-bu the

taajil se ru ba rah ae

gul le ke huzur-e-shah ae

gul lae jo nur-e-dida dil khwah

ankhon ki tarah pharak gaya shah

panje se palak ke phul uthaya

andhe ne gul ankhon se lagaya

nur a gaya chashm-e-arzu mein

aya phir ab-e-rafta jo main

khurshid basar gahan se chhota

khairat ke dar ka qufl tuta

daulat jo pas thi, lutai

zar bakhsha gul ki runumai

ek ek ko is qadar diya zar

mohtaj, gada, hue to nagar

sajwae tarab ke kar khane

bajwae khushi ke shadiyane

gul chin ka jo ab pata mila hai

yu shakh-e-qalam se gul khula hai

wo bad chaman chaman khiraman

yaani wo bakawali pareshan

gulshan se jo khak urati ai

is shahr mein ati ati ai

dekha to khushi ke chahchahe the

gul chin ke shagufe khul rahe the

gulbang zanan tha, jo jahan tha

ek ek, hazar dastan tha

pate hi pata, khushi se phuli

shad aisi hui ke ranj bhuli

jadu se bani wo admi zad

insanon mein a mili pari zad

sultan ki sawari arhi thi

surat jo nigah ki, pari thi

puchha: ai adam-e-pari ru!

insan hai, pari hai, kaun hai tu?

kya nam hai aur watan kidhar hai?

hai kaun sa gul, chaman kidhar hai?

di us ne dua, kaha ba sad soz

farrukh ho shaha! mein ibn-e-firoz

gul hun, to koi chaman bataun!

ghurbat zada kya watan bataun!

ghar bar se kya faqir ko kam

kya lijiye chhore gaon ka nam

puchha ke sabab? kaha ke qismat

puchha ke talab? kaha: qanaat

baton pe fida hua shahanshah

laya ba sad imtiyaz-e-hamrah

chehre se amirzada paya

ghar la ke, wazir use banaya

nazren liye bandgan-e-dargah

dastur se amle ba sad jah

darbar mein charon shah zade

dekhe, to khule wo dil ke sade

chaha, gul chin ka imtihan le

puchha ke nagin jo le, kahan le?

batlane lage wo charon nadan

koi yaman aur koi badakhshan

jana ke jo gul ye lae hote

khatam ke nagin batae hote

tajwiz mein tha ye sahab-e-fikr

aya taj almuluk ka zikr

naqsh us ko hua ke bas wahi hai

in sadon se kanda kab hui hai

zahir na kiya butun apna

tale se liya shugun apna

manzil gah rah-e-rawan bana ke

sham-o-sahar is mein ap ake

rah ro ko diya ba lutf-o-ikram

ate aram, jate paigham

abad hona taj almuluk ka gulshan-e-nigaren banwa ke aur shohra hona

taamir makan ke hain jo asar

yun khama hai bahr-e-bit, memar

shah zada ke azim-e-watan tha

gul pane se khush chaman chaman tha

andhe ko kiya jab us ne bina

aur daghiyon ne wo phul chhina

socha ke khushi khuda ki, gham khao

hamala dewni ko balwao

naql-e-iram ek makan bana ke

rakhun pariyon ko apni lake

bal ag pe rakhte, andhi ai

wo dewni bal bandhi ai

tanha use dekh kar kaha: hain!

mahmuda kiya huin? kaha: hain

dariya pe hun un ko chhor aya

maskan ke liye tumhen bulaya

lekin wo makan, wo hauz, wo bagh

jo bagh bakawali ko de dagh

hamala ne dewon ko kya yad

ae to kaha: ye ban, ho abad

wirane ko gul zamin banao

gulzar jo ahuren banao

sanna tilism-e-kar the wo

gulshan ke liye bahar the wo

dewon ne idhar mahal banaya

kashti se wo dukht-e-raz ko laya

hamala us ki madar pir

mahmuda se hui baghal gir

kuchh dewon ko chhor kar wahin par

rukhsat ho kar chali gai ghar

gulshan mein saman baron ko laya

nasrain badnon se ghar basaya

donon ko mahal mein la ke rakha

phal nakhl-e-muasalat ka chakha

dewon ko kaha ke bahr-e-tamkin

abad ho gulshan-e-nigaren

dew, admi ban ke ban mein ae

ate jate ko gher lae

jo sun ke khabar, gaya idhar ko

jannat se wo phir phira na ghar ko

azbas ke qarib shahr tha bagh

khurshid ufuq nazar para bagh

muflis, zardar, amir, qallash

naukar, tajir, faqir, khush bash

ghar chhor ke chal base sab insan

phir tan mein na ae surat-e-jan

mulaqat thaharni zain almuluk aur taj almuluk ki apas mein

gulshan jo bana jawahir agin

yun safha qalam se hai nigaren

said nam ek mah liqa tha

dilbar ka ghalam ba wafa tha

sahra se jo sair kar ke aya

lakri ke chuka ke bu jhun laya

dalwae har ek ko pe quwwat

almas-o-aqiq-o-laal-o-yaqut

thi bas ke wo ja khulasa dahr

kuchh thahre, kuchh ae janib-e-shahr

kaf mein jo wo laal-e-be baha the

man pate hi, log azhdaha the

shahne ne suna, pakar bulaya

le kar izhar, sath aya

dekha to wo jalwa gah-e-ummid

ik daira tha ba rang-e-khurshid

darwaze pe dewon ka tha pahra

bhijwa ke khabar, wo shahna thahra

jab wan se talab hua, to darban

lae use peshgah sultan

adab kiya, adab se thahra

haibat zada dur sab se thahra

un logon ko le gaya tha hamrah

maaruz kiya ke ya shahanshah!

kam maya ye log hain ba zahir

chori ke to ye nahin jawahir

said ne kaha ke hai ye hasid

niyyat hui hogi us ki fasid

hazrat! ye wahi to tabardar

ja, un se na boliyo, khabardar!

phir kar unhi paon shahna be as

aya zain almuluk ke pas

ki arz ke bagh ik bana hai

ye shahr ujra hai, wo basa hai

jo koi hai is jagah pe jata

dheron hai jawahirat pata

hazrat ne kaha ke bik na khira

qarun ka wahin hai kya zakhira!

farrukh ke wazir bakhirad tha

sultan mushir nek-o-bad tha

bola ke shaha! ye bat kya hai

nairang-o-fusun ka ghar bara hai

har chand ke turfa hal hai ye

kuchh dur nahin, misal hai ye

ik mulk mein ek sahab-e-fauj

rakhta tha mahal mein barwar zoj

tha dagh-e-pisar muqaddar us ko

janni thi hamesha dukhtar us ko

az bas ke wo shah tha bad akhtar

karta tha hasad se qatl dukhtar

ik bar mahal mein phir hamal tha

wo shah ke zulm mein misl tha

kha baitha qasam ke ab ki bari

beta jo na de janab-e-bari

iqbal ka kuchh na jane auj

kar daliye zabh dukhtar-o-zoj

kanayya thi gharaz ke ras us ki

puri na hui wo as us ki

sultan ka jo ahd-e-be khalal tha

ghar walon ko khauf ka mahal tha

malhuz ba dil tha parda raz

sayyara shanason se kiya saz

har chand sitara mal ka tha mand

thi chandni, shohra kar diya chan

bete ka wo zaicha bana ke

goya hue dast-e-basta a ke

hazrat! ye pisar hai nek akhtar

badyumn magar hai ek akhtar

jab tak na chale ye apne paon

hazrat na pisar ke samne hun

hulya kar ke chhupa ke yak chand

be tab hua jab arzumand

wo gandum jo numa thi bali

mardana libas se nikali

khush ho ke pidar ne bahr-e-shadi

thahrai kahin ki shah zadi

ban than ke urus-e-shak-e-damad

shadi ko chali ba jan-e-nashad

ik shab kisi dasht mein the dere

aur roz nikah tha sawere

kheme se wo be qarar nikli

is chhale se misl-e-khar nikli

dekha to andheri rat sunsan

ik alam ho hai aur bayaban

ek dew wahan pe gasht mein tha

joya-e-shikar dasht mein tha

dekha to kaha: khizar mile, ao

munh kholo, adam ki rah batlao

bola wo ke sun to admi zad!

kyun tang hai ji se, kya hai bedad?

ai mard-e-khuda! khuda ki saugand

kah, jis liye to hai arzu mand

boli wo ke ye khayal, hai kham

khanjar ka ho kya niyam se kam

kah kar khule bandon ji ki tangi

be nang, hui wo shokh, nangi

ankhen jhapka ke dew bola

to kya khuli, parda tu ne khola

khatir tiri, le tilism dikhlaun

tu mujh si bane, mein tujh sa ban jaun

mund ankh kaha, to mund li ankh

khol ankh kaha, to khol di ankh

pae mardanagi ke par to

daman mein se di charagh ne lo

tha le mein yahan uga sanobar

wan shisha, raha tarash ke, saghar

ab yan se hai qissa mukhtasar tul

farrukh ke wo tha wazir maaqul

bola ke shaha! jo ye hua hai

is bat ka phir wajud kya hai

shah ne kaha: sun wazir dana

be dekhe, sune ko kis ne mana

yad ai mujhe bhi ik riwayat

ye kah ke, bayan ki hikayat

hikayat nasihat giri murgh-e-asir-o-nafahmi sayyad ki

ik murgh hua asir-e-sayyad

dana tha wo tahir-e-chaman zad

bola jab us ne bandhe bazu

khulta nahin kis tamaa pe hai tu

beja, to tike ka janwar hun

gar zabh kiya, to musht par hun

pala, to mufaraqat hai anjam

dana ho, to mujh se le mire dam

bazu mein na to mire girah bandh

samjhaun jo pand, use girah bandh

sun, koi hazar kuchh sunae

kije wahi jo samajh mein ae

qabu ho, to kijiye na ghaflat

ajiz ho, to hariye na himmat

ata ho, to hath se na dije

jata ho, to us ka gham na kije

tair ke ye sun kalam, sayyad

ban damon hua ghulam-e-sayyad

bazu ke jo band khol dale

tair ne tarap ke par nikale

ik shakh pe ja, chahak ke bola

kyun, par mira kya samajh ke khola?

himmat ne miri, tujhe uraya

ghaflat ne tiri, mujhe chhuraya

daulat na nasib mein thi tere

tha laal nihan shagam mein mere

de kar sayyad ne dilasa

chaha, phir kuchh lagae lasa

bola wo ke dekh, kar gaya jaal

tair bhi kahin nigalte hain laal!

arbab-e-arz ki bat sun kar

kar lijiye yak ba yak na bawar

farrukh! ye wahi misl na hue!

dekh a, jo tujhe duhul na hue

mushtaq to tha, chala wo dastur

dikhlai diya wo buqa nur

naqshe mein wo gulshan-e-nigaren

gulzar-e-iram se tha khush aen

hairat thi ke ye tilism kya hai!

pardes mein hun ke ghar mira hai!

is soch mein takht gah tak aya

hairan wo wazir, shah tak aya

adab ik kar ke hasb-e-dastur

thahra, to wo badshah-e-mastur

samjha ke hasin admi hai

kya jane ke khud bakawali hai

puchha ke kidhar se ae, kya nam?

bola wo ke nam se hai kya kam

insan hun, banda khuda hun

bheja zain almuluk ka hun

gustakhi muaf, ap ae

ban gher liya, makan banae

bahka ke basae mardum shahr

hazrat ka bara hai ap par qahr

daawa ye hai, yan zamin dabi

abadi mein ai hai kharabi

khair, ab bhi rafa shar jo chaho

sar ankhon se chal ke jabha sa ho

bola wo ke fitna gar nahin ham

sharjin se ho, wo bashar nahin ham

darweshi mein dil ke badsha hain

masnad ke takiye par gada hain

dastur ke arz kar chuka tha

misl-e-dil bad guman ruka tha

bola: chalo sulh darmiyan ho

baham mah-o-mehr ka qaran ho

bola wo: faqir ki bala jae

mushtaq jo ho, wo shauq se ae

bola wo ke khair, taba farda

uth jaega darmiyan se parda

ye kah ke phira wazir, aya

pahuncha to wo shahr khali paya

shah zada-o-shah mahal mein the wan

bar ham zada bazm ke charaghan

shah ne jo wazir ate dekha

farrukh, farrukh pukar utha

sultan ke nisar ho ke dastur

bola ke balai shah ho dur!

dekh aya main wo makan-e-yaqut

hai maadin laal-o-kan yaqut

takhta hai zamurraden ke minu!

gulshan hai jawahiren ke jadu!

naqsha kahun kya, nigar khana!

jadu ka tamam kar khana!

dewon ki banai hai wo buniyad

rahne wale hain admi zad

wan sahab-e-taj-o-takht jo hai

darwesh hai, shah nam ko hai

dew us ke amal mein age hain

jadu ke mahal bana gae hain

kal ap bhi chal ke kijiye sair

waada kar aya hun, kaha: khair

bhed khulna chhupe huon ka ek ek par

ab khame se wa shigaf yun hai

dil milne ki rah saf yun hai

farrukh jo gaya, to shah zada

socha ke hun thath kal ziyada

rakha atish pe dusra bal

hazir hui dewni qawi bal

daawat ki use khabar sunai

dewon ke rukh us ne ankh uthai

ham chashmon ne chitwan us ki tari

palkon se zamin ban ki jhari

ghaulon se bhara jo tha bayaban

phulon se bana diya khiyaban

sannai inhon ne rat bhar ki

mushtaq ne wan wo shab sahar ki

bajte hi gajar wo shah-e-zi jah

charon shah zade le ke hamrah

jo jo umara the, sab bala ke

farrukh ko khawasi mein bitha ke

mashriq se rawan hua dilawar

jis tarah ufuq se shah-e-khawar

bijli se jo zarq barq ae

farsh, abr ki tarah bichhte pae

dekha to tamam dasht-e-gulzar

daen baen dursitta bazar

shah kahte the: dasht par khasak tha

farrukh kahta tha: kal talak tha

ghafil the ke sabz-e-bagh hai ye

apne hi jigar ka dagh hai ye

tajwiz rahe the sab ke sab dang

jadu, afsun, tilism, nairang

kya lashkar aur kiya shahanshah

sannate mein the ke allah allah!

dekhe jo jawahirat ke dher

sab man ki hawas se ho gae sair

shah zade ne amad un ki pai

ki tadar khana peshwai

donon mein huin jo char ankhen

daulat ki khuli hazar ankhen

aiwan-e-jawahiren mein ae

almas ki shuba nashin mein ae

wo chitr ke zer-e-saya baithe

afsar sab paya paya baithe

jo jo ke tu azat hain am

le ae khawas nazuk andam

chukni dali, itr, ilaichi, pan

naql-o-mai-o-jam-o-khwan anwan

raghbat se unhen khula pila ke

bola shah zada muskura ke

is taj-e-shahi mein ke nagin hain?

ke nam-o-nishan-e-dil nashin hain?

sultan ne kaha ba sad latafat

ye char hain unsar-e-khilafat

ek aur hua tha qabil-e-khashm

wo nur-e-basar, tha dushman-e-chashm

jab lae ye gul bakawali ka

nikla tab khar raushni ka

puchha us ne: wo ab kidhar hai?

sultan ne kaha ke kya khabar hai!

ek un mein se chashm-e-ashna tha

ko ke isi shah zade ka tha

bola ke huzur idhar to dekhen

dekha, to kaha: miri nazar mein

surat wahi, rang ro wahi hai

lahja wahi, guftugu wahi hai

ye sunte hi, us ne khanda kar ke

sar, paon pe rakh diya pidar ke

sar, qadmon se shah ne uthaya

farzand ko chhati se lagaya

le le ke balaen kakulon ki

peshani chumi, pith thonki

arz us ne kiya ke do parastar

pa bosi shah ki hain talab gar

hazrat ne kaha: bulaiye khair

uth jaen, jo baithe hun yahan ghair

shah zade ne ik makan bataya

ek ek utha, idhar ko aya

sab uth gae, par wo charon baghi

baithe rahe farsh-e-gul pe daghi

shah zada utha, mahal mein aya

parde talak un ko sath laya

dilbar se kaha: main jab kahun, ao

tu kahiyo, ye charon daghi uthwao

darparda sikha ke, bahar aya

be parda huzur-e-shah bulaya

dilbar ne kaha: lajaungi mein

qurban gai, na aungi mein

uth jaen ye charon sust buniyad

daghe hue hain ghulam, azad

charon ka, jo sunte hi, ura rang

yak bar gi shah hogaya dang

dikhlai diye jo bete be rukh

dekha taj almuluk ke rukh

yan dil pe the dagh, wan saren par

yan nam pe harf, wan nagin par

wo jaal, wo har, wo ghulami

wo ghat, wo jitna tamami

wo dastaras aur wo pae mardi

wo be kisi aur wo dasht gardi

wo dew ki bhuk aur wo taqrir

wo halwe ki chat aur wo tahrir

wo sai, wo dewni ki sohbat

mahmuda ki wo admiyyat

tajwiz ke wo surang ki rah

aur mosh dawaniyan wo dil khwah

wo sair-e-chaman, wo phul lena

wo azm-e-watan, wo dagh dena

wo kor ke haq mein khizr hona

wo ghaulon se mil ke phul khona

wo bal ko ag ka dikhana

waade pe wo dewni ka ana

wo nuzhat gulshan-e-nigaren

wo daawat badsha, wo tamkin

guzra tha jo kuchh, bayan kiya sab

pinhan tha jo kuchh, ayan kiya sab

angushtari pari dikha kar

khiloi saren ki mehr-e-mahzar

pahle to bahut wo munh charhe dheth

akhir daghi dikha gae pith

uthwa ke unhen, wo do khushi aen

pa bosi shah ko sar se aen

hazrat ne samajh ke husn-e-khidmat

donon ko diye khitab-o-khilat

nazren in donon ne dikhaen

rukhsat ho kar mahal mein aen

masnad se shah uth ke be muhaba

bola bete se: jan baba!

raushan kiya dida pidar ko

madar ke bhi chal ke ansu puchho

mushtaq ko ruba rah paya

hamrah use taba khana laya

man ne dekha jo wo dilawar

ashkon ke guhar kiye nichhawar

wo tifl bhi gir para qadam par

manind-e-sar shak chashm-e-madar

har khwesh wigana se mila wo

phir apni jagah pe agya wo

ghaib ho jana farrukh yaani bakawali ka aur biloana taj almuluk

ko gulshan-e-nigaren se aur muttafiq ho kar gulzar-e-iram mein rahna

khulne pe jo hai tilism-e-taqdir

ab khame ne yu kiya hai tahrir

farrukh, wo badsha ka dastur

yaani wo bakawali mastur

matlub ka sun samajh ke sab hal

chahi ke nikale kuchh par wabal

sochi ko dila! shitab kya hai

phir samjhenge, iztirab kya hai

is waza ka pas kar gai wo

taghayyur libas kar gai wo

farrukh kahne tak admi thi

phir wo hi bakawali pari thi

ghurbat se chali, watan mein ai

sahra se uri, chaman mein ai

pazh murda khawason pari jan

sadqe hui koi, koi qurban

is ghunche mein ik saman pari thi

wo ham nafas bakawali thi

boli: kaho kya kiya, kaha: khub

be kuchh kiye phir bhi ai, kya khub!

manga kaghaz, dawat, khama

likha gul chin ke nam nama

ai yusuf chashm-e-zakhm-e-yaaqub!

we rashk-e-baradaran mankub!

ai dil bar dilbard ghul baz!

we dew-e-sawar arsh-e-parwaz!

ai ab-e-tah zamin-e-nairang!

we naqb doin bagh-e-gul rang!

ai parda kashai be hijabi!

we duzd hanae dast yabi!

ai rah ro ru ba rah nihada!

we sar sar gul ba bad dada!

ai be sar-o-barg-e-gulshan ara!

we laal namai sang-e-khara!

ai be khabar-e-tilism-e-surat!

we be basar rukh zarurat!

ai bais-e-azm-e-mehmani!

we sahab-e-bazm-e-mezbani!

ai aina dar khud numai!

we surma-e-chashm-e-ashnai!

ai parda kashai rawe pinhan!

we dagh namai pusht ikhwan!

tu bagh-e-iram se le gaya gul

tu mujh si pari ko de gaya jal

be rukh tire waste hui mein

farrukh tire waste hui mein

tujh ko tire bap se milaya

mujh ko ye mila ke tujh ko paya

jo jo asrar the nihani

sab tujh se sune tiri zabani

kya lutf jo ghair parda khole

jadu ho jo sar pe charh ke bole

chaha tha, karun sire se pamal

kar shukr, samajh ke tha khush iqbal

kya kahiye ke surat aur kuchh thi

waqt aur, zarurat aur kuchh thi

ab tak hain wo kharji ke ji mein

jald a ke hai maslahat isi mein

aega, to dar guzar karungi

warna main bahut sashar karungi

daghon pe diye hain dagh tu ne

dikhlae hain sabz-e-bagh tu ne

kanton mein agar na ho ulajhna

thora likha bahut samajhna

phir khat ki na ho umidwari

alqit hai qalam ki dost wari

ye likh ke, kaha saman pari ko

chalak hai tu hi qasidi ko

ye khat, ye anguthi le, abhi ja

purab ki samt ko chali ja

raste mein hai gulshan-e-nigaren

rahta hai wahin mira wo gul chin

khatam ke nishan se nama dijo

thahri rahiyo, jawab-e-lijo

khat, khatam le ke wo hawai

patta hui aur patte pe ai

wo bagh ke tha jawahir agin

sabit hua gulshan-e-nigaren

wo adam hurwash, pari ru

yaani taj almuluk khush khu

gul gasht mein tha kisi rawish par

mahmuda daen, baen dilbar

qasid ne jo rukh pari dikhaya

dhyan us ko bakawali ka aya

pahchante hi nagin-e-khatam

be shuba hua yaqin ka alam

par to pe wo yun chala tarap ke

angare pe jaise kabk lapke

dhoka tha faqat bakawali ka

qasid ne diya wo khat pari ka

go surma khamoshi ne khilaya

tahrir ko ankhon se lagaya

qasid se kalam lutf bola

khat surat chashm-e-shauq khola

wo nama ke ambarin raqam tha

qismat ka nawashta yak qalam tha

tahrir thi sar-e-gazshat sari

kuchh yas thi, kuchh umidwari

mangwa ke wahin dawat-o-khama

tahrir kiya jawab-e-nama

ai shah iram ki dukht-e-gul fam!

farrukh laqab-o-bakawali nam

is nam ke, is laqab ke sadqe

is name ke, is talab ke sadqe

main ne jo gharaz se ji churaya

tu ne kyun a ke munh chhupaya?

meri jo badi hui thi kuchh yun

tu nek hai, be mile gai kyun?

tu jae, to kyun na ae afsos

afsos, afsos, hae afsos!

taqdir phiri, phiri nahin to,

ummid gai, gai nahin to

ai kash! main kuchh bhi sans pata

ji khol ke dagh-e-dil dikhata

maalum to hai ke shauq kya tha

jo khinch ke yan se le gaya tha

ab mujh mein wo dam aji kahan hai

wo dil, wo jigar, wo ji kahan hai

mar jaun agar talab mein teri

main kya, ke khabar na pahunche meri

qabil wan ane ke kahan hun

yan bhi jo raha, to nim jan hun

tujh se meri khatir ab kahan jama

tu nashtar shola, mein rag-e-shama

tu barq-e-daman, mein khirman-e-khar

tu sail-e-rawan, mein khasta diwar

tu joshish yam, mein mor-e-be par

main naqsh-e-qadam, to bad-e-sarsar

dharka hai yahi, to jan dunga

marjaun ga, ab na main jyunga

ho tujh si pari jo khasm jani

insan ki hai marg, zindagani

manzur jo ho hayat meri

tu man le ek bat meri

hamala ko bhej, a ke le jae

shayad mujhe zinda pa ke pahunchae

bheja na use, to jan lena

asan hai yan bhi jan dena

ye likh ke, jo khat se hath uthaya

qasid ne liya jo ab, laya

matlub ka khat wo parh rahi thi

dekha to wo dewni khari thi

puchha ke ari! tujhe khabar hai

gul chin mira kaun sa bashar hai?

wo sadqe hui, kaha: bala lun

be dekhe kisi ka nam kya lun!

ye sun ke, wo shola, ho bhabuka

boli ke tujhe lagaun lauka

tera hi to hai fasad-e-murdar!

damad ko gul diya, mujhe khar

gul naqb ki rah le gaya chur

zinda karun is maue ko dargor

hamala! jali hun, kya kahon main

damad ko la, to thandi hun main

agahi jo dewni ne pai

bigri hui bat yun banai

mahmuda hai kaniz-e-zadi

insan se hui hai us ki sha