گلشن جگ میں ذرا رنگ محبت نیں ہے

گلشن جگ میں ذرا رنگ محبت نیں ہے

بلبل دل کوں کسی ساتھ اب الفت نیں ہے

آشنائی سیتی مردم کے ہوں از بس بیزار

رخ درپن کی طرف چشم کوں رغبت نیں ہے

کیا عجب ہے جو دیا جان کو یکبار پتنگ

تا سحر شمع کوں جلنے سیتی فرصت نیں ہے

کیوں گریباں کوں کیا چاک ز سر تا داماں

گل کوں بلبل سوں اگر طرز مروت نیں ہے

مجھ کوں باور نہیں پیغام زبانی قاصد

کیا سبب ہے کہ ترے ہاتھ کتابت نیں ہے

منتخب کر کے ورق دل پہ لکھے ہیں احباب

گرچہ ظاہر میں مرے شعر کی شہرت نیں ہے

ناتوانی ستی برجا ہے علامت نہ کرو

رنگ داؤدؔ کوں پرواز کی طاقت نیں ہے

gulshan-e-jag mein zara rang-e-mohabbat nain hai

bulbul-e-dil kun kisi sath ab ulfat nain hai

ashnai saiti mardum ke hun az bas bezar

rukh-e-darpan ki taraf chashm kun raghbat nain hai

kya ajab hai jo diya jan ko yakbar patang

ta sahar shama kun jalne saiti fursat nain hai

kyun gareban kun kiya chak ze sar ta daman

gul kun bulbul sun agar tarz-e-murawwat nain hai

mujh kun bawar nahin paigham-e-zabani qasid

kya sabab hai ke tire hath kitabat nain hai

muntakhab kar ke waraq dil pe likhe hain ahbab

garche zahir mein mire sher ki shohrat nain hai

natawani sati barja hai alamat na karo

rang daud kun parwaz ki taqat nain hai