گل کی خونیں جگری یاد آئی

گل کی خونیں جگری یاد آئی

پھر نسیم سحری یاد آئی

آج فرمان رہائی پہنچا

آج بے بال و پری یاد آئی

دشمن آباد رہیں جن کے طفیل

اپنی عالی گہری یاد آئی

جب کسی نے مری آنکھیں سی دیں

تب مجھے دیدہ وری یاد آئی

ساز جب ٹوٹ گئے ہم نفسو

اب تمہیں نغمہ گری یاد آئی

کبھی روشن جو ہوئی شمع بہار

باغ کی بے بصری یاد آئی

کم نہ تھے گردش دوراں کے گلے

کیوں تری کم نظری یاد آئی

پہلے معلوم نہ تھا دل کا مقام

اب تمہیں شیشہ گری یاد آئی

آج ارباب خرد کو عابدؔ

میری شوریدہ سری یاد آئی

gul ki khunin jigri yad ai

phir nasim-e-sahari yad ai

aj farman rihai pahuncha

aj be bal-o-pari yad ai

dushman abad rahen jin ke tufail

apni ali gahri yad ai

jab kisi ne miri ankhen si den

tab mujhe dida wari yad ai

saz jab tut gae ham nafaso

ab tumhen naghma giri yad ai

kabhi raushan jo hui shama bahar

bagh ki be basari yad ai

kam na the gardish-e-dauran ke gale

kyun tiri kam nazari yad ai

pahle maalum na tha dil ka maqam

ab tumhen shisha giri yad ai

aj arbab-e-khirad ko abid

meri shorida siri yad ai