گل کے ہونے کی توقع پہ جئے بیٹھی ہے

گل کے ہونے کی توقع پہ جئے بیٹھی ہے

ہر کلی جان کو مٹھی میں لیے بیٹھی ہے

کبھی صیاد کا کھٹکا ہے کبھی خوف خزاں

بلبل اب جان ہتھیلی پہ لیے بیٹھی ہے

تیر و شمشیر سے بڑھ کر ہے تری ترچھی نگاہ

سیکڑوں عاشقوں کا خون کیے بیٹھی ہے

تیرے رخسار سے تشبیہ اسے دوں کیوں کر

شمع تو چربی کو آنکھوں میں دیئے بیٹھی ہے

تشنہ لب کیوں رہے اے ساقیٔ کوثر چنداؔ

یہ ترے جام محبت کو پیے بیٹھی ہے

gul ke hone ki tawaqqo pe jiye baithi hai

har kali jan ko mutthi mein liye baithi hai

kabhi sayyad ka khatka hai kabhi khauf-e-khizan

bulbul ab jan hatheli pe liye baithi hai

tir-o-shamshir se barh kar hai tiri tirchhi nigah

saikron ashiqon ka khun kiye baithi hai

tere rukhsar se tashbih use dun kyun kar

shama to charbi ko ankhon mein diye baithi hai

tishna lab kyun rahe ai saqi-e-kausar chanda

ye tire jam-e-mohabbat ko piye baithi hai