گرمئ عشق کے بغیر لطف حیات رائیگاں

گرمئ عشق کے بغیر لطف حیات رائیگاں

عشق ہے زندگی کا روپ عشق سے زندگی جواں

ہائے وہ چند ساعتیں گزریں جو تیرے قرب میں

رشک سے دیکھتی رہی جن کو حیات جاوداں

اف ری منازل بلند تیرے حریم ناز کی

پائے طلب کو کتنے طے کرنے پڑے ہیں آسماں

برق کی دسترس سے دور عصر نو کے اے طیور

اور بلند آشیاں اور بلند آشیاں

گرم حصول جوئے شیر ہاں یوں ہی مرد تیشہ گیر

تیشہ زنی ہے دہر میں اصل حیات کامراں

محتسب شراب تو بزم جہاں میں ہیں بہت

یہ بھی کہو کہ ہے کوئی محتسب غم نہاں

جذبۂ ہمت اے نہالؔ جب ہو مرا شریک حال

میرے لبوں پہ آئے کیوں شکوۂ گردش زماں

garmi-e-ishq ke baghair lutf-e-hayat raigan

ishq hai zindagi ka rup ishq se zindagi jawan

hae wo chand saaten guzren jo tere qurb mein

rashk se dekhti rahi jin ko hayat-e-jawedan

uf ri manazil-e-buland tere harim-e-naz ki

pae talab ko kitne tai karne pare hain asman

barq ki dastaras se dur asr-e-nau ke ai tuyur

aur buland ashiyan aur buland ashiyan

garm husul-e-ju-e-sher han yun hi mard-e-tesha gir

tesha zani hai dahr mein asl-e-hayat kamran

mohtasib-e-sharab to bazm-e-jahan mein hain bahut

ye bhi kaho ke hai koi mohtasib gham-e-nihan

jazba-e-himmat ai nihal jab ho mira sharik-e-hal

mere labon pe ae kyun shikwa-e-gardish-e-zaman