گردن شیشہ جھکا دے مرے پیمانے پر

گردن شیشہ جھکا دے مرے پیمانے پر

سن برستا رہے ساقی ترے میخانے پر

گرمیٔ حسن بڑھی سرد ہوا عاشق زار

شمع کے پھول سے بجلی گری پروانے پر

گرمیاں ہیں تو مرا دیدۂ تر حاضر ہے

چھوٹے مژگاں کا ہزارا ترے خس خانے پر

غش ہوا گردن ساقی پہ کبھی آنکھ پہ لوٹ

کبھی شیشہ پہ گرا میں کبھی پیمانے پر

وہ بھی اے قدرؔ تھا اک نقش قدم حیدر کا

رکھتے تھے مہر نبوت جو نبیؐ شانے پر

gardan-e-shisha jhuka de mire paimane par

sun barasta rahe saqi tire maikhane par

garmi-e-husn barhi sard hua ashiq-e-zar

shama ke phul se bijli giri parwane par

garmiyan hain to mira dida-e-tar hazir hai

chhote mizhgan ka hazara tire khas khane par

ghash hua gardan saqi pe kabhi ankh pe laut

kabhi shisha pe gira mein kabhi paimane par

wo bhi ai qadr tha ik naqsh-e-qadam haidar ka

rakhte the mehr-e-nabuwwat jo nabi shane par