گردش دوراں سے یہاں کس کو فراغ آیا ہے ہاتھ

گردش دوراں سے یہاں کس کو فراغ آیا ہے ہاتھ

ہاں مگر آیا تو اک حسرت کا داغ آیا ہے ہاتھ

نوحہ سنجی کی بھی مہلت عندلیبوں میں نہیں

باغباں قسمت سے کیا ہے بے دماغ آیا ہے ہاتھ

عمر گزری جستجوے کوچۂ دلدار میں

وائے ناکامی پس از مردن سراغ آیا ہے ہاتھ

دل کے داغوں نے کیا ہم کو چمن سے بے نیاز

منتیں مانی ہیں برسوں تب یہ باغ آیا ہے ہاتھ

داغ دل پر نالہ لب پر چشم گریاں سینہ ریش

عاشقؔ شوریدہ کو کس دم فراغ آیا ہے ہاتھ

gardish-e-dauran se yahan kis ko faragh aya hai hath

han magar aya to ik hasrat ka dagh aya hai hath

nauha sanji ki bhi mohlat andalibon mein nahin

baghban qismat se kya hai be dimagh aya hai hath

umr guzri jastjuwe kucha-e-dildar mein

wae nakami pas az murdan suragh aya hai hath

dil ke daghon ne kiya ham ko chaman se be niyaz

minnaten mani hain barson tab ye bagh aya hai hath

dagh-e-dil par nala lab par chashm giryan sina rish

ashiq-e-shorida ko kis dam faragh aya hai hath