جان کر من جملۂ خاصان مے خانہ مجھے

جان کر من جملۂ خاصان مے خانہ مجھے

مدتوں رویا کریں گے جام و پیمانہ مجھے

ننگ مے خانہ تھا میں ساقی نے یہ کیا کر دیا

پینے والے کہہ اٹھے یا پیر مے خانہ مجھے

سبزہ و گل موج و دریا انجم و خورشید و ماہ

اک تعلق سب سے ہے لیکن رقیبانہ مجھے

زندگی میں آ گیا جب کوئی وقت امتحاں

اس نے دیکھا ہے جگرؔ بے اختیارانہ مجھے

jan kar man jumla-e-khasan-e-mai khana mujhe

muddaton roya karenge jam-o-paimana mujhe

nang-e-mai khana tha main saqi ne ye kya kar diya

pine wale kah uthe ya pir-e-mai khana mujhe

sabza-o-gul mauj-o-dariya anjum-o-khurshid-o-mah

ik taalluq sab se hai lekin raqibana mujhe

zindagi mein a gaya jab koi waqt-e-imtihan

us ne dekha hai jigar be ikhtiyarana mujhe