گر یہی ہے عادت تکرار ہنستے بولتے

گر یہی ہے عادت تکرار ہنستے بولتے

منہ کی اک دن کھائیں گے اغیار ہنستے بولتے

تھی تمنا باغ عالم میں گل و بلبل کی طرح

بیٹھ کر ہم تم کہیں اے یار ہنستے بولتے

میری قسمت سے زبان تیر بھی گویا نہیں

ورنہ کیا کیا زخم دامن دار ہنستے بولتے

دل لگی میں حسرت دل کچھ نکل جاتی تو ہے

بوسے لے لیتے ہیں ہم دو چار ہنستے بولتے

آج عذر اتقا تسلیمؔ کل تک یار سے

آپ کو دیکھا سر بازار ہنستے بولتے

gar yahi hai adat-e-takrar hanste bolte

munh ki ik din khaenge aghyar hanste bolte

thi tamanna bagh-e-alam mein gul-o-bulbul ki tarah

baith kar ham tum kahin ai yar hanste bolte

meri qismat se zaban-e-tir bhi goya nahin

warna kya kya zakhm-e-daman dar hanste bolte

dil lagi mein hasrat-e-dil kuchh nikal jati to hai

bose le lete hain ham do char hanste bolte

aj uzr-e-ittiqa taslim kal tak yar se

ap ko dekha sar-e-bazar hanste bolte