گر ہو نہ خفا تو کہہ دوں جی کی

گر ہو نہ خفا تو کہہ دوں جی کی

اس دم تمہیں یاد ہے کسی کی

جو سامنے ہو کہے اسی کی

منہ دیکھی ہے بات آرسی کی

پھولوں کا کبھی نہ ہار پہنا

بدھی جو پڑی تری چھڑی کی

گلگیر نے کاٹ کر سر شمع

پروانے سے شب کٹی جلی کی

تسبیح میں بھی ہو تار زنار

خاطر نہ شکستہ کر کسی کی

آیا شب مہ میں وہ جو تا فرش

چادر ہوئی گرد چاندنی کی

صیاد کبھی تو ذبح کر ڈال

مڑ جائے گی باڑ کیا چھری کی

آئینہ برق میں ہے لازم

تصویر کھینچے تری ہنسی کی

ترتیب کہن کی وضع اے عرشؔ

ہم نے دیوان میں نئی کی

gar ho na khafa to kah dun ji ki

is dam tumhen yad hai kisi ki

jo samne ho kahe usi ki

munh dekhi hai bat arsi ki

phulon ka kabhi na har pahna

badhi jo pari tiri chhiri ki

gulgir ne kat kar sar-e-shama

parwane se shab kati jali ki

tasbih mein bhi ho tar-e-zunnar

khatir na shikasta kar kisi ki

aya shab-e-mah mein wo jo ta farsh

chadar hui gard chandni ki

sayyad kabhi to zabh kar dal

mur jaegi bar kya chhuri ki

aina barq mein hai lazim

taswir khinche tiri hansi ki

tartib-e-kuhan ki waza ai arsh

ham ne diwan mein nai ki