گرہ جو کام میں ڈالے ہے پنجۂ تقدیر

گرہ جو کام میں ڈالے ہے پنجۂ تقدیر

مجال کیا کہ کھلے وہ بہ ناخن تدبیر

دلا تڑپھ کے تو نکلا پڑے ہے سینے سے

یہ گھر اجاڑ نہ اے گھر بسے پکڑ ٹک دھیر

شب فراق میں جاناں کی میں رہا جیتا

کہ سخت جان ہے مجھ کو حجاب دامن گیر

لب اس کے دیکھو تو ہے ظلم و خوں خوری کی دلیل

سیہ مسی پہ نہیں سرخ پان کی تحریر

یہ پھینک تیر نگہ جی سے مار ڈالیں ہیں

بتاؤ کر سکے بے جاں ستم کی کیا تقریر

ٹک آنکھ اٹھا کے جو دیکھا نظر سے دے پٹکا

نہ تھی یہ اظفریؔ اتنی گناہ کی تعزیر

girah jo kam mein dale hai panja-e-taqdir

majal kya ke khule wo ba nakhun-e-tadbir

dila taraph ke to nikla pare hai sine se

ye ghar ujar na ai ghar base pakar tuk dhir

shab-e-firaq mein janan ki main raha jita

ke sakht jan hai mujh ko hijab daman gir

lab us ke dekho to hai zulm-o-khun khuri ki dalil

siyah missi pe nahin surkh pan ki tahrir

ye phenk tir-e-nigah ji se mar dalen hain

batao kar sake be jan sitam ki kya taqrir

tuk ankh utha ke jo dekha nazar se de patka

na thi ye azfari itni gunah ki taazir