گر ہو طمنچہ بند وہ رشک فرنگیاں

گر ہو طمنچہ بند وہ رشک فرنگیاں

بانکے مغل بچے نہ کریں خانہ جنگیاں

شوخی مزاج اس کے سے اب تک گئی نہیں

ویسے ہی بانکپن ہیں وہی غولہ دنگیاں

بلبل کے اشک سرخ نے یہ کیا غضب کیا

جو تیلیاں قفس کی سبھی خوں میں رنگیاں

گردوں اگرچہ دن کو غزال سیاہ ہے

پر شب کو میرے ساتھ کرے ہے پلنگیاں

دیکھا نہ ہوگا وہ کبھی بیژنؔ نے چاہ میں

جو دن مجھے دکھاتی ہیں قسمت کی تنگیاں

عارض پہ تیرے جوشش خط سیاہ ہے

یا روم پر چڑھ آئی ہے یہ فوج زنگیاں

کیا جانے کس سے بگڑی ہے دریا میں مصحفیؔ

لہروں کے ہاتھوں میں ہیں جو تلواریں ننگیاں

gar ho tamancha band wo rashk-e-farangiyan

banke mughal bachche na karen khana jangiyan

shokhi mizaj us ke se ab tak gai nahin

waise hi bankpan hain wahi ghola dangiyan

bulbul ke ashk-e-surkh ne ye kya ghazab kiya

jo teliyan qafas ki sabhi khun mein rangiyan

gardun agarche din ko ghazal-e-siyah hai

par shab ko mere sath kare hai palangiyan

dekha na hoga wo kabhi bezhan ne chah mein

jo din mujhe dikhati hain qismat ki tangiyan

ariz pe tere joshish khat-e-siyah hai

ya rom par charh ai hai ye fauj zangiyan

kya jane kis se bigri hai dariya mein mushafi

lahron ke hathon mein hain jo talwaren nangiyan