Arooz is now on the App Store, for iPhone and iPad. Download →

All poetry

گرم ہیں شور سے تجھ حسن کے بازار کئی

Mir Taqi Mir (1723–1810)

گرم ہیں شور سے تجھ حسن کے بازار کئی

رشک سے جلتے ہیں یوسف کے خریدار کئی

کب تلک داغ دکھاوے گی اسیری مجھ کو

مر گئے ساتھ کے میرے تو گرفتار کئی

وے ہی چالاکیاں ہاتھوں کی ہیں جو اول تھیں

اب گریباں میں مرے رہ گئے ہیں تار کئی

خوف تنہائی نہیں کر تو جہاں سے تو سفر

ہر جگہ راہ عدم میں ملیں گے یار کئی

اضطراب و قلق و ضعف میں کس طور جیوں

جان واحد ہے مری اور ہیں آزار کئی

کیوں نہ ہوں خستہ بھلا میں کہ ستم کے تیرے

تیر ہیں پار کئی وار ہیں سوفار کئی

اپنے کوچے میں نکلیو تو سنبھالے دامن

یادگار مژۂ میرؔ ہیں واں خار کئی