گرمیاں شوخیاں کس شان سے ہم دیکھتے ہیں

گرمیاں شوخیاں کس شان سے ہم دیکھتے ہیں

کیا ہی نادانیاں نادان سے ہم دیکھتے ہیں

غیر سے بوسہ زنی اور ہمیں دشنامیں

منہ لیے اپنا پشیمان سے ہم دیکھتے ہیں

فصل گل اب کی جنوں خیز نہیں صد افسوس

دور ہاتھ اپنا گریبان سے ہم دیکھتے ہیں

آج کس شوخ کی گلشن میں حنا بندی ہے

سرو رقصاں ہیں گلستان سے ہم دیکھتے ہیں

اخترؔ زار بھی ہو مصحف رخ پر شیدا

فال یہ نیک ہے قرآن سے ہم دیکھتے ہیں

garmiyan shokhiyan kis shan se ham dekhte hain

kya hi nadaniyan nadan se ham dekhte hain

ghair se bosa zani aur hamen dushnamen

munh liye apna pasheman se ham dekhte hain

fasl-e-gul ab ki junun khez nahin sad afsos

dur hath apna gareban se ham dekhte hain

aj kis shokh ki gulshan mein hina bandi hai

sarw raqsan hain gulistan se ham dekhte hain

akhtar-e-zar bhi ho mushaf-e-rukh par shaida

fal ye nek hai quran se ham dekhte hain