آبلہ خار سر مژگاں نے پھوڑا سانپ کا

آبلہ خار سر مژگاں نے پھوڑا سانپ کا

سیلیٔ زلف رسا نے کلا توڑا سانپ

پنجۂ دنداں تری کنگھی نے موڑا سانپ کا

کر کے گیسوئے کلائی ہاتھ توڑا سانپ کا

کودکی سی میرے سر پر عشق گیسو ہے سوار

چوب کی بدلی بناتا تھا میں گھوڑا سانپ کا

بار فرعونی پہ تیری زلف اگر باندھے کمر

اژدر موسی کے توسن پر ہو کوڑا سانپ کا

میں ہوں وہ رنجور گیسو عکس اگر میرا پڑے

مہرۂ ہر استخواں بن جائے پھوڑا سانپ کا

جب سیہ بوتل سے مے ریزی ہوئی دور فراق

میں یہ سمجھا زہر ساقی نے نچوڑا سانپ کا

ہے قدم اس کا ہوا پر پاؤں اس کا خاک پر

زلف کے مشکی کو کب پاتا ہے گھوڑا سانپ کا

عاشق زلف سیہ کو اس طرح تعزیر دو

سانپ کی رسی بناؤ اور کوڑا سانپ کا

زلف کج رفتار کی کب چال چل سکتا ہے وہ

ایسی ٹھوکر کھائے سر بن جائے روڑا سانپ کا

ایک دن ہو جائے گا روشن سیہ کاری کا حال

دونوں بغلوں میں جریدے ہیں کہ جوڑا سانپ کا

جانتا ہوں میں ترے راس و ذنب کو اے فلک

میرے ڈسنے کے لیے پالا ہے جوڑا سانپ کا

کیا تعجب حسن جاناں سے اگر پوچھے گزند

خال میں بچھو کا جوڑا زلفیں جوڑا سانپ کا

سانپ کے کاٹے کی لہر آئے جو وصف زلف میں

بحرؔ نے پھر تو کوئی مضموں نہ چھوڑا سانپ کا

abla khar-e-sar-e-mizhgan ne phora sanp ka

sili-e-zulf-e-rasa ne kala tora sanp

panja-e-dandan tiri kanghi ne mora sanp ka

kar ke gesu-e-kalai hath tora sanp ka

kaudaki si mere sar par ishq gesu hai sawar

chob ki badli banata tha main ghora sanp ka

bar firauni pe teri zulf agar bandhe kamar

azhdar musa ke tosun par ho kora sanp ka

main hun wo ranjur gesu aks agar mera pare

mohra-e-har ustukhwan ban jae phora sanp ka

jab siyah botal se mai rezi hui daur-e-firaq

main ye samjha zahr saqi ne nichora sanp ka

hai qadam us ka hawa par paon us ka khak par

zulf ke mushki ko kab pata hai ghora sanp ka

ashiq-e-zulf-e-siyah ko is tarah taazir do

sanp ki rassi banao aur kora sanp ka

zulf-e-kaj raftar ki kab chal chal sakta hai wo

aisi thokar khae sar ban jae rora sanp ka

ek din ho jaega raushan siyah kari ka hal

donon baghlon mein jaride hain ke jora sanp ka

janta hun main tire ras-o-zanab ko ai falak

mere dasne ke liye pala hai jora sanp ka

kya taajjub husn janan se agar puchhe gazand

khal mein bichho ka jora zulfen jora sanp ka

sanp ke kate ki lahr ae jo wasf-e-zulf mein

bahr ne phir to koi mazmun na chhora sanp ka