گردش چشم یار نے مارا

گردش چشم یار نے مارا

دور لیل و نہار نے مارا

مر رہا ہوں مگر نہیں مرتا

خلش انتظار نے مارا

سخت جانی مری جو سن پائی

دم نہ پھر تیغ یار نے مارا

وصل میں بھی یہ مضطرب ہی رہا

اس دل بے قرار نے مارا

ہم تو جیتے ابھی مگر بیخودؔ

ستم روزگار نے مارا

gardish-e-chashm-e-yar ne mara

daur-e-lail-o-nahar ne mara

mar raha hun magar nahin marta

khalish-e-intizar ne mara

sakht jani miri jo sun pai

dam na phir tegh-e-yar ne mara

wasl mein bhi ye muztarib hi raha

is dil-e-be qarar ne mara

ham to jite abhi magar bekhud

sitam-e-rozgar ne mara