جام جب تک نہ چلے ہم نہیں ٹلنے والے

جام جب تک نہ چلے ہم نہیں ٹلنے والے

آج ساقی ترے فقرے نہیں چلنے والے

نام روشن جو ہوا حسن میں پروانوں سے

شمع کہتی ہے کہ ٹھنڈے رہیں جلنے والے

کیا حکومت مرے ساقی کی ہے مے خانے میں

جتنے ساغر ہیں اشارے پہ ہیں چلنے والے

فتنے اٹھ اٹھ کے یہ کہتے ہیں کہ او مست خرام

ہم بھی سائے کی طرح ساتھ ہیں چلنے والے

فائدہ کیا ہوس دل کے بڑھانے سے جلیلؔ

وہی نکلیں گے جو ارماں ہیں نکلنے والے

jam jab tak na chale ham nahin talne wale

aj saqi tire fiqre nahin chalne wale

nam raushan jo hua husn mein parwanon se

shama kahti hai ke thande rahen jalne wale

kya hukumat mire saqi ki hai mai khane mein

jitne saghar hain ishare pe hain chalne wale

fitne uth uth ke ye kahte hain ke o mast-e-khiram

ham bhi sae ki tarah sath hain chalne wale

faida kya hawas-e-dil ke barhane se jalil

wahi niklenge jo arman hain nikalne wale