گرچہ اس بنیاد ہستی کے عناصر چار ہیں

گرچہ اس بنیاد ہستی کے عناصر چار ہیں

لیکن اپنے نیست ہو جانے میں سب ناچار ہیں

دوستی اور دشمنی ہے ان بتاں کی ایک سی

چار دن ہیں مہرباں تو چار دن بیزار ہیں

جی کوئی منصور کے جوں جان کرتے ہیں فدا

وے سپاہی عاشقوں کی فوج کے سردار ہیں

یہ جو سجتی ہے کٹاری دار مشروع کی ازار

مارنے کے وقت عاشق کے ننگی تروار ہیں

دوستی اور پیار کی باتوں پے خوباں کی نہ بھول

شوخ ہوتے ہیں نپٹ عیار کس کے یار ہیں

جو نشہ جوانی کا اترے گا تو کھینچیں گے خمار

اب تو خوباں سب شراب حسن کے سرشار ہیں

کس طرح چشموں سیتی جاری نہ ہو دریائے خوں

تھل نہ پیرا آبروؔ ہم وار اور وے پار ہیں

garche is buniyad hasti ke anasir char hain

lekin apne nist ho jane mein sab nachar hain

dosti aur dushmani hai un butan ki ek si

char din hain mehrban to char din bezar hain

ji koi mansur ke jun jan karte hain fida

we sipahi ashiqon ki fauj ke sardar hain

ye jo sajti hai katari dar mashru ki izar

marne ke waqt ashiq ke nangi tarwar hain

dosti aur pyar ki baton pe khuban ki na bhul

shokh hote hain nipat ayyar kis ke yar hain

jo nasha-e-jawani ka utrega to khinchenge khumar

ab to khuban sab sharab-e-husn ke sarshar hain

kis tarah chashmon saiti jari na ho dariya-e-khun

thal na paira abru ham war aur we par hain