کیوں کہہ کے دل کا حال اسے بد گماں کروں

کیوں کہہ کے دل کا حال اسے بد گماں کروں

یہ راز وہ نہیں ہے جسے میں بیاں کروں

مجھ کو یہ ضد کہ وصل کا اقرار تم سے لوں

تم کو یہ ہٹ کہ میں نہ کبھی تجھ سے ہاں کروں

یہ کہہ رہی ہے مجھ سے کسی کی نگاہ شرم

فرصت اگر حیا سے ملے شوخیاں کروں

تو مجھ کو آزما کے وفاداریوں میں دیکھ

میں بے وفائیوں میں ترا امتحاں کروں

اکتا گیا ہے شرع کی پابندیوں سے جی

دل چاہتا ہے بیعت پیر مغاں کروں

بیخودؔ رفیق ہے نہ کوئی ہم طریق ہے

دل پر جو کچھ گزرتی ہے کس سے بیاں کروں

kyun kah ke dil ka hal use bad guman karun

ye raz wo nahin hai jise main bayan karun

mujh ko ye zid ke wasl ka iqrar tum se lun

tum ko ye hat ke main na kabhi tujh se han karun

ye kah rahi hai mujh se kisi ki nigah-e-sharm

fursat agar haya se mile shokhiyan karun

tu mujh ko azma ke wafadariyon mein dekh

main be wafaiyon mein tira imtihan karun

ukta gaya hai shara ki pabandiyon se ji

dil chahta hai baiat-e-pir-e-mughan karun

bekhud rafiq hai na koi ham tariq hai

dil par jo kuchh guzarti hai kis se bayan karun