کیوں کر چبھے نہ آنکھ میں گل خار کی طرح

کیوں کر چبھے نہ آنکھ میں گل خار کی طرح

بھائی ہے دل کو ایک طرحدار کی طرح

حالت تلاش یار میں یہ ہو گئی مری

جاتا ہوں بیٹھ بیٹھ دل زار کی طرح

کیا دل میں خار رشک رخ یار کا چبھا

بگڑی ہوئی ہے کیوں گل گلزار کی طرح

ہے کچھ نہ کچھ وہاں بھی اثر درد عشق کا

آنکھ ان کی بھی ہے اس دل بیمار کی طرح

اے کاش میرے تار رگ جاں کو توڑ دے

قاتل کی تیغ یار کے اقرار کی طرح

کیفیؔ بٹھائیں آنکھوں پہ کیوں آپ کو نہ لوگ

چبھتی ہوئی ہے آپ کے اشعار کی طرح

kyun kar chubhe na ankh mein gul khar ki tarah

bhai hai dil ko ek tarhdar ki tarah

halat talash-e-yar mein ye ho gai miri

jata hun baith baith dil-e-zar ki tarah

kya dil mein khar-e-rashk-e-rukh-e-yar ka chubha

bigri hui hai kyun gul-e-gulzar ki tarah

hai kuchh na kuchh wahan bhi asar dard-e-ishq ka

ankh un ki bhi hai is dil-e-bimar ki tarah

ai kash mere tar-e-rag-e-jan ko tor de

qatil ki tegh-e-yar ke iqrar ki tarah

kaifi bithaen ankhon pe kyun ap ko na log

chubhti hui hai ap ke ashar ki tarah