کیوں کہتے ہو کیا میری جفا کو نہیں دیکھا

کیوں کہتے ہو کیا میری جفا کو نہیں دیکھا

آتے ہوئے کہہ کہہ کے قضا کو نہیں دیکھا

آئینۂ کونین ہیں دونوں مری آنکھیں

تم کو نہیں دیکھا کہ خدا کو نہیں دیکھا

دیکھے تو کوئی تیز روی عمر رواں کی

پھر کر کبھی نقش کف پا کو نہیں دیکھا

ہر خار سے یوں پوچھتی ہے دشت میں لیلیٰ

تم نے تو کسی آبلہ پا کو نہیں دیکھا

کس غش پہ تمہیں ناز ہے اے حضرت موسیٰ

ان کی نگۂ ہوشربا کو نہیں دیکھا

آئینۂ وحدت ہے دل صاف ہمارا

کس بت میں نظر شان خدا کو نہیں دیکھا

kyun kahte ho kya meri jafa ko nahin dekha

ate hue kah kah ke qaza ko nahin dekha

aina-e-kaunain hain donon miri ankhen

tum ko nahin dekha ke khuda ko nahin dekha

dekhe to koi tez rawi umr-e-rawan ki

phir kar kabhi naqsh-e-kaf pa ko nahin dekha

har khar se yun puchhti hai dasht mein laila

tum ne to kisi abla pa ko nahin dekha

kis ghash pe tumhen naz hai ai hazrat-e-musa

un ki nigah-e-hoshruba ko nahin dekha

aina-e-wahdat hai dil saf hamara

kis but mein nazar shan-e-khuda ko nahin dekha