کیوں کر شکار حسن نہ کھیلیں یہاں کے لوگ

کیوں کر شکار حسن نہ کھیلیں یہاں کے لوگ

پریوں کو پھانس لیتے ہیں ہندوستاں کے لوگ

آپس میں ایک دوسرے سے آشنا نہیں

زیر زمیں بھرے ہیں الٰہی کہاں کے لوگ

باغ جہاں سے جاتے نہیں جانب بہشت

ناحق طمانچے کھاتے ہیں باد خزاں کے لوگ

شہر وفا کا سجدۂ شکرانہ ہے یہی

پتھر سے سر پٹکتے ہیں شہر بتاں کے لوگ

زنار سے ہے کم رگ جاں جس کے سامنے

بندہ ہوئے ہیں اس بت نا مہرباں کے لوگ

اپنی خبر لے اوروں سے کیا کام اے منیرؔ

کس کا زمانہ کون سی بستی کہاں کے لوگ

kyun kar shikar-e-husn na khelen yahan ke log

pariyon ko phans lete hain hindostan ke log

apas mein ek dusre se ashna nahin

zer-e-zamin bhare hain ilahi kahan ke log

bagh-e-jahan se jate nahin janib bahisht

nahaq tamanche khate hain bad-e-khizan ke log

shahr-e-wafa ka sajda-e-shukrana hai yahi

patthar se sar patakte hain shahr-e-butan ke log

zunnar se hai kam rag-e-jan jis ke samne

banda hue hain us but na mehrban ke log

apni khabar le auron se kya kam ai munir

kis ka zamana kaun si basti kahan ke log