گئی فصل بہار گلشن سے

گئی فصل بہار گلشن سے

بلبلوں اڑ چلو نشیمن سے

فاتحہ بھی پڑھا نہ تربت پر

جا کے لوٹ آئے میری مدفن سے

مجھ کو کافی تھی قید حلقۂ زلف

بیڑیاں کیوں بنائیں آہن سے

زلف کے پیچ سے نہ رہ غافل

دوستی کر دلا نہ دشمن سے

ہو گریباں کا چاک خاک رفو

تار ہاتھ آئے جب نہ دامن سے

ناز و عشوہ نیا نہیں سیکھا

شوخ طرار ہے لڑکپن سے

چھوڑ کر تم اگر گئے تنہا

جی نکل جائے گا مرے تن سے

ہے کئی دن سے منتظر رعناؔ

جلوہ دکھلاؤ آ کے چلمن سے

gai fasl-e-bahar-e-gulshan se

bulbulon ur chalo nasheman se

fatiha bhi parha na turbat par

ja ke laut ae meri madfan se

mujh ko kafi thi qaid halqa-e-zulf

beriyan kyun banaen ahan se

zulf ke pech se na rah ghafil

dosti kar dila na dushman se

ho gareban ka chak khak rafu

tar hath ae jab na daman se

naz-o-ishwa naya nahin sikha

shokh tarrar hai larakpan se

chhor kar tum agar gae tanha

ji nikal jaega mire tan se

hai kai din se muntazir raana

jalwa dikhlao a ke chilman se