کیوں کیا کرتے ہیں آہیں کوئی ہم سے پوچھے

کیوں کیا کرتے ہیں آہیں کوئی ہم سے پوچھے

کر گئیں کیا وہ نگاہیں کوئی ہم سے پوچھے

لے کے دل ان کے مکرنے کی ادا کیا کہیے

کیوں پلٹتی ہیں نگاہیں کوئی ہم سے پوچھے

دوست دشمن کو بنانا کوئی تم سے سیکھے

دوستی کیسی نباہیں کوئی ہم سے پوچھے

نیچی نظریں کیے آتے ہو جہاں سے سمجھے

جھینپتی کیوں ہیں نگاہیں کوئی ہم سے پوچھے

دل میں آنے کے مبارکؔ ہیں ہزاروں رستے

ہم بتائیں اسے راہیں کوئی ہم سے پوچھے

kyun kiya karte hain ahen koi ham se puchhe

kar gain kya wo nigahen koi ham se puchhe

le ke dil un ke mukarne ki ada kya kahiye

kyun palatti hain nigahen koi ham se puchhe

dost dushman ko banana koi tum se sikhe

dosti kaisi nibahen koi ham se puchhe

nichi nazren kiye ate ho jahan se samjhe

jhinpti kyun hain nigahen koi ham se puchhe

dil mein ane ke mubarak hain hazaron raste

ham bataen use rahen koi ham se puchhe