کیوں ہے کہہ آئینہ اس درجہ تو حیراں مجھ سے
عشق اورنگ آبادیکیوں ہے کہہ آئینہ اس درجہ تو حیراں مجھ سے
اپنی روداد کو مت کیجیو پنہاں مجھ سے
ہوں ہوا خواہ میں اے گل ترا جیوں موج نسیم
غنچہ ساں کب ہے گرہ کا ترے نقصاں مجھ سے
چشم مست اس کی نے دل توڑ کے پھیری ہے نظر
کہ نہ مانگے کہیں اس شیشہ کا تاواں مجھ سے
تیر نے خواب میں ہمدرد جو پایا اپنا
درد دل کہنے لگا ہو کے وہ گریاں مجھ سے
رم کا ہرنوں کے بگولے کی بھی بیتابی کا
راز سب واز کیا پھاڑ گریباں مجھ سے
گرم رکھتا تھا کہا مدرسہ جب وادی کا
علم وحشت کئے تحصیل غزالاں مجھ سے
سر پر اب خاک اڑاتا ہوا پھرتا ہوں عشقؔ
صاف دیکھا تو نہ تھی خاطر یاراں مجھ سے
kyun hai kah aina is darja to hairan mujh se
apni rudad ko mat kijiyo pinhan mujh se
hun hua khwah mein ai gul tira jyun mauj-e-nasim
ghuncha san kab hai girah ka tire nuqsan mujh se
chashm-e-mast us ki ne dil tor ke pheri hai nazar
ke na mange kahin is shisha ka tawan mujh se
tir ne khwab mein hamdard jo paya apna
dard-e-dil kahne laga ho ke wo giryan mujh se
ram ka hirnon ke bagule ki bhi betabi ka
raz sab waz kiya phar gareban mujh se
garm rakhta tha kaha madrasa jab wadi ka
ilm wahshat kiye tahsil ghazalan mujh se
sar par ab khak urata hua phirta hun ishq
saf dekha to na thi khatir-e-yaran mujh se