کیوں کر نہ ایسے جینے سے یا رب ملول ہوں

کیوں کر نہ ایسے جینے سے یا رب ملول ہوں

جب اس طرح عدم کا بھی میں ناقبول ہوں

کیا خوب میرے بخت کی منڈوے چڑھی ہے بیل

نا باغ نہ بہار نہ کانٹا نا پھول ہوں

اس عشق میں ہی کٹ گئی سب عمر پر ہنوز

نا لائق فراق نا باب وصول ہوں

طالع کی میرے دیکھیے پھولی ہے کیا بہار

انواع خار خار سے میں جوں ببول ہوں

آگاہؔ اب کسی کی شکایت میں کیا کروں

دیکھا جو خوب آپ ہی اپنا میں مول ہوں

kyun kar na aise jine se ya rab malul hun

jab is tarah adam ka bhi main naqubul hun

kya khub mere bakht ki mandwe charhi hai bel

na bagh na bahar na kanta na phul hun

is ishq mein hi kat gai sab umr par hanoz

na laiq-e-firaq na bab-e-wusul hun

tale ki mere dekhiye phuli hai kya bahar

anwa khar khar se main jun babul hun

agah ab kisi ki shikayat mein kya karun

dekha jo khub ap hi apna mein mol hun