کیوں صبا کی نہ ہو رفتار غلط

کیوں صبا کی نہ ہو رفتار غلط

گل غلط غنچے غلط خار غلط

ہم نواؤں کی نہیں کوئی کمی

بات کیجے سر بازار غلط

وقت الٹ دے نہ بساط ہستی

چال ہم چلتے ہیں ہر بار غلط

دل کے سودے میں کوئی سود نہیں

جنس ہے خام خریدار غلط

ہر طرف آگ لگی ہے باقیؔ

مشورہ دیتی ہے دیوار غلط

kyun saba ki na ho raftar ghalat

gul ghalat ghunche ghalat khar ghalat

ham nawaon ki nahin koi kami

bat kije sar-e-bazar-e-ghalat

waqt ulat de na bisat-e-hasti

chal ham chalte hain har bar ghalat

dil ke saude mein koi sud nahin

jins hai kham kharidar ghalat

har taraf ag lagi hai baqi

mashwara deti hai diwar ghalat