کیوں دیکھتے ہی نقش بہ دیوار بن گئے

کیوں دیکھتے ہی نقش بہ دیوار بن گئے

تم آئنے میں کس کے خریدار بن گئے

بجلی چھلاوا فتنہ قیامت غضب بلا

میں کیا کہوں وہ کیا دم رفتار بن گئے

بازار دہر کا تو یہی کاروبار ہے

دو چار اگر بگڑ گئے دو چار بن گئے

اک سیر تھی مزے کی یہ آرائشوں کے وقت

سو بار وہ بگڑ گئے سو بار بن گئے

ہاں ہاں انہیں کے پیچھے تو دی ہے شرفؔ نے جان

آ کر ہنسی خوشی جو عزا دار بن گئے

kyun dekhte hi naqsh ba diwar ban gae

tum aine mein kis ke kharidar ban gae

bijli chhalawa fitna qayamat ghazab bala

main kya kahun wo kya dam-e-raftar ban gae

bazar dahr ka to yahi karobar hai

do char agar bigar gae do char ban gae

ik sair thi maze ki ye araishon ke waqt

sau bar wo bigar gae sau bar ban gae

han han unhen ke pichhe to di hai sharaf ne jan

a kar hansi khushi jo aza dar ban gae