جان ہم تجھ پہ دیا کرتے ہیں
بخش ناسخجان ہم تجھ پہ دیا کرتے ہیں
نام تیرا ہی لیا کرتے ہیں
چاک کرنے کے لیے اے ناصح
ہم گریبان سیا کرتے ہیں
ساغر چشم سے ہم بادہ پرست
مئے دیدار پیا کرتے ہیں
زندگی زندہ دلی کا ہے نام
مردہ دل خاک جیا کرتے ہیں
سنگ اسود بھی ہے بھاری پتھر
لوگ جو چوم لیا کرتے ہیں
کل نہ دے گا کوئی مٹی بھی انہیں
آج زر جو کہ دیا کرتے ہیں
دفن محبوب جہاں ہیں ناسخؔ
قبریں ہم چوم لیا کرتے ہیں
jan ham tujh pe diya karte hain
nam tera hi liya karte hain
chak karne ke liye ai naseh
ham gareban siya karte hain
saghar-e-chashm se ham bada parast
mai-e-didar piya karte hain
zindagi zinda dili ka hai nam
murda dil khak jiya karte hain
sang-e-aswad bhi hai bhari patthar
log jo chum liya karte hain
kal na dega koi mitti bhi unhen
aj zar jo ke diya karte hain
dafn mahbub jahan hain nasikh
qabren ham chum liya karte hain