کیوں خفا ہو کیوں ادھر آتے نہیں

کیوں خفا ہو کیوں ادھر آتے نہیں

دیکھتا ہوں تم نظر آتے نہیں

وہ یہ کہہ کر داغ دیتے ہیں مجھے

پھول سے پہلے ثمر آتے نہیں

ہم ہیں وہ مے نوش پی کر بھی کبھی

میکدے سے بے خبر آتے نہیں

دیکھتا ہوں ان کی صورت دیکھ کر

دھوپ میں تارے نظر آتے نہیں

نیند تو کیا نیند کے جھونکے عزیزؔ

ہجر میں وقت سحر آتے نہیں

kyun khafa ho kyun idhar ate nahin

dekhta hun tum nazar ate nahin

wo ye kah kar dagh dete hain mujhe

phul se pahle samar ate nahin

ham hain wo mai nosh pi kar bhi kabhi

maikade se be khabar ate nahin

dekhta hun un ki surat dekh kar

dhup mein tare nazar ate nahin

nind to kya nind ke jhonke aziz

hijr mein waqt-e-sahar ate nahin