کیسا چمن اسیری میں کس کو ادھر خیال

کیسا چمن اسیری میں کس کو ادھر خیال

پرواز خواب ہو گئی ہے بال و پر خیال

مشکل ہے مٹ گئے ہوئے نقشوں کی پھر نمود

جو صورتیں بگڑ گئیں ان کا نہ کر خیال

مو کو عبث ہے تاب کلی یوں ہی تنگ ہے

اس کا دہن ہے وہم و گمان و کمر خیال

رخسار پر ہمارے ڈھلکنے کو اشک کے

دیکھے ہے جو کوئی سو کرے ہے گہر خیال

کس کو دماغ شعر و سخن ضعف میں کہ میرؔ

اپنا رہے ہے اب تو ہمیں بیشتر خیال

kaisa chaman asiri mein kis ko idhar khayal

parwaz khwab ho gai hai bal-o-par khayal

mushkil hai mit gae hue naqshon ki phir numud

jo suraten bigar gain un ka na kar khayal

mu ko abas hai tab kali yun hi tang hai

us ka dahan hai wahm-o-guman-o-kamar khayal

rukhsar par hamare dhalakne ko ashk ke

dekhe hai jo koi so kare hai guhar khayal

kis ko dimagh-e-sher-o-sukhan zof mein ke mir

apna rahe hai ab to hamen beshtar khayal