کیوں آئینے میں دیکھا تو نے جمال اپنا
زین العابدین خاں عارفکیوں آئینے میں دیکھا تو نے جمال اپنا
دیکھا تو خیر دیکھا پر دل سنبھال اپنا
اس کا ہو جب تصور کب ہو خیال اپنا
کیسی مصیبت اپنی کیسا خیال اپنا
کھویا غم رفاقت دیکھو کمال اپنا
بہکا دیا ہے سب کو دکھلا کے حال اپنا
بن دیکھے تیری صورت جینا وبال اپنا
بن آئے تیرے ظالم مرنا محال اپنا
خرمن تو دیکھ لیتے بجلی بلا سے گرتی
ہوتا تھا کھیت عارفؔ یوں پائمال اپنا
kyun aine mein dekha tu ne jamal apna
dekha to khair dekha par dil sambhal apna
us ka ho jab tasawwur kab ho khayal apna
kaisi musibat apni kaisa khayal apna
khoya gham-e-rifaqat dekho kamal apna
bahka diya hai sab ko dikhla ke hal apna
bin dekhe teri surat jina wabal apna
ban ae tere zalim marna muhal apna
khirman to dekh lete bijli bala se girti
hota tha khet arif yun paimal apna