کیجئے رندی کا پیشہ شیشہ شیشہ ہے شراب

کیجئے رندی کا پیشہ شیشہ شیشہ ہے شراب

لیجئے اک گھونٹ شیشہ شیشہ شیشہ ہے شراب

شیشۂ خالی نہ دیکھا ساقیا کچھ غم نہیں

تاک کے ریشہ بہ ریشہ شیشہ شیشہ ہے شراب

جلوۂ مستانہ سے شیریں کے ہر اک انگ میں

غور سے ٹک دیکھ تیشہ شیشہ شیشہ ہے شراب

اس شکار افگن کی چشم مست سے لے مے کشو

ہو گیا مے خانہ بیشہ شیشہ شیشہ ہے شراب

مصرع ثروتؔ نے ؔجوشش مست و دیوانہ کیا

دشت در دشت بیشہ بیشہ شیشہ شیشہ ہے شراب

kijiye rindi ka pesha shisha shisha hai sharab

lijiye ik ghunt shisha shisha shisha hai sharab

shisha-e-khali na dekha saqiya kuchh gham nahin

tak ke resha ba resha shisha shisha hai sharab

jalwa-e-mastana se shirin ke har ik ang mein

ghaur se tuk dekh tesha shisha shisha hai sharab

is shikar afgan ki chashm-e-mast se le mai kasho

ho gaya mai khana besha shisha shisha hai sharab

misra-e-sarwat ne joshish mast-o-diwana kiya

dasht-e-dar dasht-e-besha besha shisha shisha hai sharab