کیوں خفا تو ہے کیا کہا میں نے

کیوں خفا تو ہے کیا کہا میں نے

مر کہا تو نے مرحبا میں نے

کیوں صراحی مے کو دے پٹکا

تو نے توڑا یا بے وفا میں نے

ناتوانی میں یہ توانائی

دل کو تجھ سے اٹھا دیا میں نے

دے کے یہ تجھ کو یہ لیا کہ دیا

گوہر بے بہا لیا میں نے

کیوں خم مے کو محتسب توڑا

کیا کیا میں نے کیا کیا میں نے

کیوں نہ رک رک کے آئے دم میرا

تجھ کو دیکھا رکا رکا میں نے

گل ہزاروں میں شمع عیش احساںؔ

جیسے اس گل کو دل دیا میں نے

kyun khafa to hai kya kaha main ne

mar kaha tu ne marhaba main ne

kyun surahi mai ko de patka

tu ne tora ya be wafa main ne

natawani mein ye tawanai

dil ko tujh se utha diya main ne

de ke ye tujh ko ye liya ke diya

gauhar-e-be baha liya main ne

kyun kham-e-mai ko mohtasib tora

kya kya main ne kiya kiya main ne

kyun na ruk ruk ke ae dam mera

tujh ko dekha ruka ruka main ne

gul hazaron mein shama aish ehsan

jaise us gul ko dil diya main ne