کیا کہیں ملتا ہے کیا خوابوں میں

کیا کہیں ملتا ہے کیا خوابوں میں

دل گھرا رہتا ہے مہتابوں میں

ہر تمنائے سکون ساحل

الجھی الجھی رہی سیلابوں میں

دل انساں کی سیاہی توبہ

ظلمتیں بس گئیں مہتابوں میں

آپ کے فیض سے تنویریں ہیں

کعبۂ عشق کی محرابوں میں

اپنا ہر خواب تھا اک موج سرور

یوں ہوئی عمر بسر خوابوں میں

حسن قسمت سے ہمیشہ فطرتؔ

بخت بیدار رہا خوابوں میں

kya kahen milta hai kya khwabon mein

dil ghira rahta hai mahtabon mein

har tamanna-e-sukun-e-sahil

uljhi uljhi rahi sailabon mein

dil-e-insan ki siyahi tauba

zulmaten bas gain mahtabon mein

ap ke faiz se tanwiren hain

kaaba-e-ishq ki mehrabon mein

apna har khwab tha ik mauj-e-surur

yun hui umr basar khwabon mein

husn qismat se hamesha fitrat

bakht-e-bedar raha khwabon mein