تری اے شاہ خوباں ہو بلا چٹ — کشن کمار وقار

Arooz is now on the App Store, for iPhone and iPad. Download →

کشن کمار وقار

تری اے شاہ خوباں ہو بلا چٹ

وہ بوسہ دے کہ ہو جس کی صدا چٹ

منڈا کر خط رخ اس مہ لقا نے

کیا ہے آئنے کا گھر صفا چٹ

مجھی کو گالیاں دیتے رہے وہ

مگر لیتا رہا بوسے چٹا چٹ

تمہاری زلف کا باندھا نہ چھوٹا

ڈسا کالے نے جس کو وہ موا چٹ

مسلم مرغ دل ہے میہمان غم

کرے جلد اے خدا وہ یہ غذا چٹ

وقارؔ اس گل کو غنچہ نے جو دیکھا

تو اوصاف دہن میں بول اٹھا چٹ