کیا کہوں حسرت دیدار نے کیا کیا کھینچا

کیا کہوں حسرت دیدار نے کیا کیا کھینچا

کبھی دامن ترا کھینچا کبھی پردا کھینچا

نقش امید مرے شوق نے الٹا کھینچا

مجھ سے کھنچتے ہی گئے وہ انہیں جتنا کھینچا

وہ ترے دل میں ہماری بھی جگہ کر دے گا

جس نے اس آنکھ کے تل میں ترا نقشا کھینچا

خواب اس دل پہ تری آنکھ نے ڈورے ڈالے

خوب کاجل نے تری آنکھ میں ڈورا کھینچا

تان لیں دونوں بھویں ڈال کے نظریں اس نے

تیر چھوڑے تو کمانوں نے بھی چلا کھینچا

ضبط فریاد سے مضطرؔ مری سانسیں الجھیں

رسم فریاد نے اوپر کو کلیجا کھینچا

kya kahun hasrat-e-didar ne kya kya khincha

kabhi daman tira khincha kabhi parda khincha

naqsh-e-ummid mire shauq ne ulta khincha

mujh se khinchte hi gae wo unhen jitna khincha

wo tire dil mein hamari bhi jagah kar dega

jis ne is ankh ke til mein tira naqsha khincha

khwab is dil pe tiri ankh ne dore dale

khub kajal ne tiri ankh mein dora khincha

tan len donon bhuwen dal ke nazren us ne

tir chhore to kamanon ne bhi chilla khincha

zabt-e-fariyad se muztar miri sansen uljhen

rasm-e-fariyad ne upar ko kaleja khincha