کیا ہیں شیدائے قد یار درخت

کیا ہیں شیدائے قد یار درخت

ہیں جو شبنم سے اشک بار درخت

دیکھیں گر سرو قد یار درخت

خاک پر لوٹیں سایہ دار درخت

اشک بار ان پہ ہیں جو مرغ چمن

پہنے ہیں موتیوں کا ہار درخت

سرکشی کی ہے کیا ترے قد سے

کاٹے جاتے ہیں بے شمار درخت

کیا ترے قد سے دوں مثال اسے

کہ ہے انگشت زینہار درخت

ترے جلوے سے نخل طور بنے

ہیں جو بالائے کوہسار درخت

بید مجنوں کو دیکھ او لیلیٰ

ہے یہ مجنوں کا یادگار درخت

دیکھ کر تجھ کو بھول جائیں گے

گل کھلائیں گے بے بہار درخت

زندگی میں نہ میں نے پھل پایا

ہو نہ میرے سر مزار درخت

فائدہ بھی یہاں تو نقصاں ہے

سنگ کھاتے ہیں بار دار درخت

داغ تن کھل رہے ہیں صورت گل

ہم ہیں گویا شگوفہ دار درخت

kya hain shaida-e-qad-e-yar darakht

hain jo shabnam se ashk bar darakht

dekhen gar sarw qad-e-yar darakht

khak par lauten saya dar-e-darakht

ashk bar un pe hain jo murgh-e-chaman

pahne hain motiyon ka har darakht

sarkashi ki hai kya tire qad se

kate jate hain be shumar darakht

kya tire qad se dun misal use

ke hai angusht zinhar darakht

tire jalwe se nakhl-e-tur bane

hain jo bala-e-kohsar darakht

baid-e-majnun ko dekh o laila

hai ye majnun ka yadgar-e-darakht

dekh kar tujh ko bhul jaenge

gul khilaenge be bahar darakht

zindagi mein na main ne phal paya

ho na mere sar-e-mazar-e-darakht

faida bhi yahan to nuqsan hai

sang khate hain bar dar-e-darakht

dagh tan khul rahe hain surat-e-gul

ham hain goya shagufa dar-e-darakht