کیا ہوئے عاشق اس شکر لب کے
عیش دہلویکیا ہوئے عاشق اس شکر لب کے
طعنے سہنے پڑے ہمیں سب کے
بھولنا مت بتوں کی یاری پر
ہیں یہ بدکیش اپنے مطلب کے
قیس و فرہاد چل بسے افسوس
تھے وہ کمبخت اپنے مشرب کے
شیخیاں شیخ جی کی دیں گے دکھا
مل گئے وہ اگر کہیں اب کے
یاد رکھنا کبھی نہ بچئے گا
مل گئے آپ وقت گر شب کے
اس میں خوش ہوویں آپ یا ناخوش
یار تو ہیں سنا اسی ڈھب کے
یار بن عیشؔ مےکشی توبہ
ہے یہ اپنے خلاف مذہب کے
kya hue ashiq is shakar lab ke
taane sahne pare hamen sab ke
bhulna mat buton ki yari par
hain ye badkesh apne matlab ke
qais-o-farhad chal base afsos
the wo kambakht apne mashrab ke
shekhiyan shaikh ji ki denge dikha
mil gae wo agar kahin ab ke
yad rakhna kabhi na bachiyega
mil gae ap waqt gar shab ke
is mein khush howen ap ya nakhush
yar to hain suna isi dhab ke
yar ban aish maikashi tauba
hai ye apne khilaf mazhab ke