کیا کہیں ہم تھے کہ یا دیدۂ تر بیٹھ گئے

کیا کہیں ہم تھے کہ یا دیدۂ تر بیٹھ گئے

قلزم اشک میں جوں لخت جگر بیٹھ گئے

ناتواں ہم یوں تری بزم سے نکلے کیونکر

کسے معلوم ہے ہم آ کے کدھر بیٹھ گئے

آپ کو خون کے آنسو ہی رلانا ہوگا

حال دل کہنے کو ہم اپنا اگر بیٹھ گئے

کس کو اک دم کا بھروسہ ہے کہ مانند حباب

بحر ہستی میں ادھر آئے ادھر بیٹھ گئے

دور سمجھا ہے رقیبوں کو یہاں سے عارفؔ

یار کے پاس جو بے خوف و خطر بیٹھ گئے

kya kahen ham the ke ya dida-e-tar baith gae

qulzum-e-ashk mein jun lakht-e-jigar baith gae

natawan ham yun tiri bazm se nikle kyunkar

kise maalum hai ham a ke kidhar baith gae

ap ko khun ke ansu hi rulana hoga

hal-e-dil kahne ko ham apna agar baith gae

kis ko ik dam ka bharosa hai ke manind-e-habab

bahr-e-hasti mein idhar ae idhar baith gae

dur samjha hai raqibon ko yahan se arif

yar ke pas jo be khauf-o-khatar baith gae