تری گلی میں ترے جاں نثار بیٹھے ہیں

تری گلی میں ترے جاں نثار بیٹھے ہیں

نگاہ لطف کے امیدوار بیٹھے ہیں

زمیں پہ سر کو جھکائے ہوئے تصور میں

مثال نقش قدم خاکسار بیٹھے ہیں

نہ چھیڑ ہم کو خدا کے لئے کہ اے واعظ

ہم اپنے فعلوں سے خود شرمسار بیٹھے ہیں

فراق میں دل مضطر کا اضطراب نہ پوچھ

جگر کو تھامے ہوئے بے قرار بیٹھے ہیں

روانہ قافلے والے تو ہو چکے روشنؔ

ہم انتظار میں لیل و نہار بیٹھے ہیں

tiri gali mein tire jan nisar baithe hain

nigah-e-lutf ke umidwar baithe hain

zamin pe sar ko jhukae hue tasawwur mein

misal-e-naqsh-e-qadam khaksar baithe hain

na chher ham ko khuda ke liye ke ai waiz

ham apne felon se khud sharmsar baithe hain

firaq mein dil-e-muztar ka iztirab na puchh

jigar ko thame hue be qarar baithe hain

rawana qafile wale to ho chuke raushan

ham intizar mein lail-o-nahar baithe hain