کیا ڈھونڈنے آئے ہو نظر میں

کیا ڈھونڈنے آئے ہو نظر میں

دیکھا ہے تمہیں کو عمر بھر میں

معیار جمال و رنگ و بو تھے

وہ جب تک رہے میری چشم تر میں

اب خواب و خیال بن گئے ہو

اب دل میں رہو، رہو نظر میں

وہ رنگ تمہارے کام آیا

اڑتا ہے جو غم کی دوپہر میں

ہائے یہ طویل و سرد راتیں

اور ایک حیات مختصر میں

اب صورت حال بن گیا ہوں

ملتا ہوں نگاہ چارہ گر میں

یا اور ستارے اور شبنم

یا مر رہیں دامن سحر میں

یا منزل مہر و ماہ بھی ہے

یا راہ فرار ہے سفر میں

وہ بھی تو ظفرؔ سے خوش نہیں ہیں

رہتے ہیں جو دیدۂ ظفرؔ میں

kya dhundne ae ho nazar mein

dekha hai tumhen ko umr bhar mein

meyar jamal-o-rang-o-bu the

wo jab tak rahe meri chashm-e-tar mein

ab khwab-o-khayal ban gae ho

ab dil mein raho, raho nazar mein

wo rang tumhare kam aya

urta hai jo gham ki dopahar mein

hae ye tawil-o-sard raten

aur ek hayat mukhtasar mein

ab surat-e-hal ban gaya hun

milta hun nigah chara gar main

ya aur sitare aur shabnam

ya mar rahen daman-e-sahar mein

ya manzil mehr-o-mah bhi hai

ya rah-e-farar hai safar mein

wo bhi to zafar se khush nahin hain

rahte hain jo dida-e-zafar mein