کیا میکدہ ہے عشق حقیقت میں یار کا

کیا میکدہ ہے عشق حقیقت میں یار کا

بے خود کا ہے جو حال وہی ہوشیار کا

کیا محو عشق ہوں مجھے اتنی نہیں خبر

فرقت کی شب ہے روز ہے یا وصل یار کا

جو چاہے وہ سلوک کرے حسرت بقا

میں اور ساتھ زندگئ مستعار کا

پہلو میں اب کہاں ہے وہ دل وہ ہجوم یاس

کیا جلد مٹ گیا ہے نشان اس دیار کا

باتیں بھی ہیں تو وہ ہیں کہ ہو اور غم سوا

کیا جانیں کس طرف کو ہے دل غم گسار کا

گلشن میں منتشر تو ہیں اوراق گل تمام

کیسا تھا کچھ نہ پوچھو زمانہ بہار کا

kya maikada hai ishq haqiqat mein yar ka

be khud ka hai jo hal wahi hoshyar ka

kya mahw-e-ishq hun mujhe itni nahin khabar

furqat ki shab hai roz hai ya wasl-e-yar ka

jo chahe wo suluk kare hasrat-e-baqa

main aur sath zindagi-e-mustaar ka

pahlu mein ab kahan hai wo dil wo hujum-e-yas

kya jald mit gaya hai nishan is dayar ka

baten bhi hain to wo hain ke ho aur gham siwa

kya janen kis taraf ko hai dil gham gusar ka

gulshan mein muntashir to hain auraq-e-gul tamam

kaisa tha kuchh na puchho zamana bahar ka