کیا ملے آپ کی محفل میں بھلا ایک سے ایک

کیا ملے آپ کی محفل میں بھلا ایک سے ایک

رشک ایسا ہے کہ بیٹھا ہے جدا ایک سے ایک

دل ملے ہاتھ ملے اٹھ کے نگاہیں بھی ملیں

وصل بھی عید ہے ملنے کو بڑھا ایک سے ایک

ایسے ویسوں کو تو منہ بھی نہ لگایا ہم نے

ماہ رو ہم کو تو اچھا ہی ملا ایک سے ایک

کان سے دل نے لیا دل سے رگوں نے چھینا

لے رہا ہے تری باتوں کا مزا ایک سے ایک

ظرف دیکھا یہ مئے عشق کے سرشاروں کا

بے خودی میں بھی تو بیخودؔ نہ کھلا ایک سے ایک

kya mile ap ki mahfil mein bhala ek se ek

rashk aisa hai ke baitha hai juda ek se ek

dil mile hath mile uth ke nigahen bhi milen

wasl bhi eid hai milne ko barha ek se ek

aise waison ko to munh bhi na lagaya ham ne

mah ru ham ko to achchha hi mila ek se ek

kan se dil ne liya dil se ragon ne chhina

le raha hai tiri baton ka maza ek se ek

zarf dekha ye mai-e-ishq ke sarsharon ka

be khudi mein bhi to bekhud na khula ek se ek