کیا کر رہے ہو ظلم کرو راہ راہ کا

کیا کر رہے ہو ظلم کرو راہ راہ کا

کہتے ہیں بے جگر ہے بڑا تیر آہ کا

یوں رونگٹے لرزتے ہیں پوچھیں گے روز حشر

کیوں ایک دن بھی خوف نہ آیا گناہ کا

حالت پہ میری ان کے بھی آنسو نکل پڑے

دیکھا گیا نہ یاس میں عالم نگاہ کا

کسریٰ کا طاق کعبے کے بت منہ کے بل گرے

شہرہ سنا جو اشہد ان لا الہ کا

شاعرؔ عجیب رنگ سے گزری ہے اپنی عمر

دنیا میں نام بھی نہ سنا خیر خواہ کا

kya kar rahe ho zulm karo rah rah ka

kahte hain be jigar hai bara tir ah ka

yun rungte larazte hain puchhenge roz-e-hashr

kyun ek din bhi khauf na aya gunah ka

halat pe meri un ke bhi ansu nikal pare

dekha gaya na yas mein alam nigah ka

kisra ka taq kaabe ke but munh ke bal gire

shohra suna jo ashhad un la ala ka

shayar ajib rang se guzri hai apni umr

duniya mein nam bhi na suna khair khwah ka