کیا چمکے اب فقط مری نالے کی شاعری

کیا چمکے اب فقط مری نالے کی شاعری

اس عہد میں ہے تیغ کی بھالے کی شاعری

سامان سب طرح کا ہو لڑنے کا جن کے پاس

ہے آج کل انہیں کی مسالے کی شاعری

شاعر رسالہ دار نہ دیکھے نہ میں سنے

ایجاد ہے انہیں کا رسالے کی شاعری

مرد گلیم پوش کو یاں پوچھتا ہے کون

گر گرم ہے تو شال دوشالے کی شاعری

یہ شعر گرم گرم پڑھے جاتے یوں نہیں

منہ بولتی ہے گرم نوالے کی شاعری

نخرہ بھی شعر میں ہو تو ہاں سوزؔ کا سا ہو

کس کام کی وگرنہ چھنالے کی شاعری

کرتے ہیں کیا وہ لوگ کسالے کی شاعری

چونے کے کاغذوں پہ جھڑیں ہیں جو اپنے شعر

یعنی کہ آ رہی ہے دوالے کی شاعری

کیسا ہی بڑھ چلے وہ کلام شریف پر

سرسبز ہو کبھی نہ رزالے کی شاعری

بعضوں نے تب تو شعر پہ حسرتؔ کے یوں کہا

کیا دال موٹھ بیچنے والے کی شاعری

ہوں مصحفیؔ میں تاجر ملک سخن کہ ہے

خسروؔ کی طرح یاں بھی اٹالے کی شاعری

kya chamke ab faqat miri nale ki shayari

is ahd mein hai tegh ki bhale ki shayari

saman sab tarah ka ho larne ka jin ke pas

hai aj kal unhen ki masale ki shayari

shayar risala dar na dekhe na main sune

ijad hai unhen ka risale ki shayari

mard-e-galim posh ko yan puchhta hai kaun

gar garm hai to shal doshale ki shayari

ye sher garm garm parhe jate yun nahin

munh bolti hai garm niwale ki shayari

nakhra bhi sher mein ho to han soz ka sa ho

kis kam ki wagarna chhinale ki shayari

karte hain kya wo log kasale ki shayari

chune ke kaghazon pe jharen hain jo apne sher

yaani ke a rahi hai diwale ki shayari

kaisa hi barh chale wo kalam-e-sharif par

sarsabz ho kabhi na rizale ki shayari

baazon ne tab to sher pe hasrat ke yun kaha

kya dal moth bechne wale ki shayari

hun mushafi mein tajir-e-mulk-e-sukhan ke hai

khusrau ki tarah yan bhi atale ki shayari