کیا کروں شرح خستہ جانی کی

کیا کروں شرح خستہ جانی کی

میں نے مر مر کے زندگانی کی

حال بد گفتنی نہیں میرا

تم نے پوچھا تو مہربانی کی

سب کو جانا ہے یوں تو پر اے صبر

آتی ہے اک تری جوانی کی

تشنہ لب مر گئے ترے عاشق

نہ ملی ایک بوند پانی کی

بیت بحثی سمجھ کے کر بلبل

دھوم ہے میری خوش زبانی کی

جس سے کھوئی تھی نیند میرؔ نے کل

ابتدا پھر وہی کہانی کی

kya karun sharh-e-khasta jani ki

main ne mar mar ke zindagani ki

hal bad guftni nahin mera

tum ne puchha to mehrbani ki

sab ko jana hai yun to par ai sabr

ati hai ik tiri jawani ki

tishna lab mar gae tire ashiq

na mili ek bund pani ki

bit bahsi samajh ke kar bulbul

dhum hai meri khush zabani ki

jis se khoi thi nind mir ne kal

ibtida phir wahi kahani ki